अस्ट्रियाले विश्वकप २०२६ को समूह ‘जे’ मा बुधबार जोर्डनमाथि विजयी सुरुवात लिएको छ । सान फ्रान्सिस्को बे एरिया स्टेडियमा अस्ट्रियाले विश्वकपमा डेब्यु गरिरहेको जोर्डनलाई ३–१ ले हराएको हो । यससँगै अस्ट्रिया तीन अंकमा समूहको दोस्रो स्थानमा रह्यो ।

अस्ट्रियाले जोर्डनविरुद्धको खेलमा दोस्रो पल्ट अग्रता लिएको छ । खेलको ६७ औं मिनेटमा याजन अल अरबको आत्घाती गोलमा अस्ट्रिया २–१ ले अगाडि रहेको हो । त्यस अगाडि खेलको ६७ औं मिनेटमा मार्को आरनटोभिचले नजिकको दूरीबाट गोल गरे पनि त्यसले मान्यता पाएका थिएन ।

अली ओलवानले जोर्डनका लागि बराबरी गोल फर्काएका छन् । खेलको ५०औं मिनेटमा ओलवानले बराबरी गोल गरेका हुन् । यो नै जोर्डनले विश्वकपका लागि गरेको पहिलो गोलसमेत हो । जोर्डनले पहिलोपल्ट विश्वकप खेलिरहेको छ । यसअघि अस्ट्रियाले २१औं मिनेटमा गोल गरेको थियो ।