फिफा विश्वकप २०२६ अन्तर्गत आइतबार दोस्रो खेल समूह ‘डी’ मा अस्ट्रेलिया र टर्कीएबीच भइरहेको छ ।
9 Updates
जारी खेलको पहिलो हाफमा अष्ट्रेलियाले टर्किएविरुद्ध १ गोलको अग्रता लिएको छ । झन्डै ६९ प्रतिशत बल पोसेसन राखेको टर्किएलाई स्तब्ध पार्दै अष्ट्रेलियाका नेस्टोरी इरान्कुन्डा (१७) ले गोल गरेका हुन् । उनलाई पउल ओकन इग्ल्सटलरले पास मिलाएका हुन् । खेलमा टर्कीयाले रचेको पहिलो ठोस आक्रमण सेलाउन नपाउँदै अस्ट्रेलियाले गोलको खाता खोलेको हो । त्यस लगतै टर्कीयाका लागि अब्दुलकेरिम बारडाचीले २५ यार्डबाट गरेको कडा प्रहार पोस्टमा लागेको थियो ।त्यस क्रममा अस्ट्रेलियाली गोलरक्षक प्याट्रिक बिचले सुन्दर बचाउ गरेका थिए। यो समूहमा अमेरिका तीन अंकसहित शीर्ष स्थानमा छ । अमेरिकाले आफ्नो पहिलोखेलमा पाराग्वेलाई हराएको थियो ।
एसियाली महादेश अन्तर्गत फीफा विश्वकपमा छनौट भएको अष्ट्रेलियाले अहिलेसम्म विश्वकपका आफ्ना सुरुवाती ६ खेलमध्ये ५ वटामा हार ब्योहोरेको छ । पछिल्लो पटक सन् १९७४ मा जितेको थियो । सन् २००६ यताका विश्वकपमा खेलेका १७ खेलमध्ये १० वटामा हारेर सर्वाधिक हारको खराब रेकर्ड समेत अष्ट्रेलियाकै नाममा छ ।
