अघिल्लो खेलमा पन्जाबले १११ रन रक्षा गर्ने क्रममा कोलकाता नाइट राइडर्सलाई ९५ रनमा समेटेको थियो । पन्जाब सात खेलमा पाँचौं जित निकाल्दै १० अंकसहित दोस्रो स्थान उक्लेको छ । आरसीबी ८ अंकसहित चौथोमा यथावत् छ ।

घरेलु मैदानमा आरसीबीले कमजोर स्कोर बनाएको थियो । टोलीले १४ ओभरमा ९ विकेट गुमाई ९५ रन बनाएको हो । त्यसमा टिम डेविडको अर्धशतक मात्र हेर्नलायक थियो । ४२ रनमै ७ विकेट गुमाएको आरसीबीलाई डेविडले उकासेका थिए । उनले २६ बलमा ५० रन बनाउँदा ५ चौका र ३ छक्का प्रहार गरे । उनको ब्याटबाट अन्तिम ओभरमात्र २१ रन निस्केको थियो । डेविडबाहेक आरसीबीका लागि रजत पाटिदार २३ रन उल्लेखनीय थियो । उनले १८ बलमा १ चौका र १ छक्का हाने । पन्जाबका अर्शदीप सिंह, मार्को जेसन, युजभेन्द्र चाहल र हरप्रित ब्रारले २–२ तथा जाभियर ब्राटलेटले १ विकेट लिए ।