चौधरीले भने, ‘नेपालले धेरै दिनदेखि कुरेर बसेको त्यो विकासको खुड्किलोमा पुर्योनुस् ।’
काठमाडौँ — उद्योगपति तथा कांग्रेसका केन्द्रीय सदस्य विनोद चौधरीले पार्टीका महामन्त्रीद्वयले सुरुवात गरेको रुपान्तरणको यात्रालाई निर्णायक ठाउँमा पुर्याउन आग्रह गरेका छन् ।
भृकुटीमण्डपमा जारी कांग्रेसको विशेष महाधिवेशनमा मन्तव्य राख्दै महामन्त्रीद्वय गगनकुमार थापा र विश्वप्रकाश शर्मालाई उनले भने, ‘नेपालले धेरै दिनदेखि कुरेर बसेको त्यो विकासको खुड्किलोमा पुर्योनुस् ।’
उनले गगन र विश्वप्रकाशको अभियानलाई निर्भीकताको संज्ञा दिँदै अब जेन-जी आन्दोलनको भावनालाई बोकेर अगाडि बढ्ने नयाँ अनुहार पार्टीमा आउनुपर्ने बताए । ‘नेपाली कांग्रेस कमसेकम नेपालका जेन-जीका भावना बोकेको पार्टीमा रुपमा उभिन चाहन्छ । यो पार्टीले राजनीति पेसा हैन समाजको लागि रुपान्तरण गर्ने महत्त्वपूर्ण प्लाटफर्म हो भन्नेलाई खुला हृदयले भित्र्याउन चाहन्छ,’ उनले भने, ‘कांग्रेसले राजनीतिका रुपान्तरण मात्र गर्दैन, देशै रुपान्तरण गर्छ ।’
जेन-जी आन्दोलनबाट ३५ वर्षयता आफूहरूले पनि बाटो बिराएको स्वीकार चौधरीले गरे । ‘हामीले ३५ वर्षमा बाटो बिराएका रहेछौँ । हामीले त्यस्तो परिस्थितिको निर्माण गर्न सकेनौँ जहाँ सिर्वजशील र ट्यालेन्ट व्यक्तिलाई ढोला खोलेर भित्र्याउन सकियोस्,’उनले थपे ।
उनले अब देशको राजनीत र अर्थतन्त्रलाई बलियो बनाउने गरी नयाँ नेतृत्व अघि बढ्नुपर्ने उल्लेख गरे ।
