२४ वर्ष लामो प्रतिक्षापछि टर्किए फिफा विश्वकपमा फर्किएको हो। सन् २००२ को विश्वकपमा सह आयोजक दक्षिण कोरियालाई हराउँदै तेस्रो स्थान हासिल गरेयता टर्किए विश्वकपमा छनोट हुन सकेको थिएन। त्यसैले यो विश्वकप टर्किस फुटबल प्रशंसकका लागि पनि भावनात्मक रूपमा निकै महत्त्वपूर्ण छ। पहिलो हाफमा एक गोलले पछि परेको टर्किएका लागी १० खेलाडीमा सीमित भएको पाराग्वेविरूद्ध पुनरागमन गर्दै जीत निकाल्ने अवसर छ ।

फिफा विश्वकप २०२६ को समूह ‘डी’ अन्तर्गत टर्किएविरुद्ध पाराग्वेको खेलको पहिलो हाफ सकिएको छ । दोस्रो हाफ सुरु हुनुअघि पाराग्वेले एक मात्र गोल गर्दै टर्किएलाई पछि पारेको छ । नकआउट चरणमा पुग्नका लागि आज दुवै टीमलाई जीतको खाँचो छ ।

पाराग्वेका मिड फिल्डर मिगुएल अल्मिरोनले रेड कार्ड खाएका छन् । एट्लान्टा युनाइटेडबाट क्लब फुटबल खेल्ने उनले मुख छोपेर टर्किएका खेलाडी मुल्डोरलाई केही भनेपछि रेफ्रीले उनलाई मैदानबाट बाहिर पठाईदिएका हुन् । फिफाको नयाँ नियम अनुसार विपक्षी खेलाडीलाई मुख छोपेर केही पनि भनेको पाइएमा कार्ड दिइन्छ ।