मातृभाषाका पत्रिकामध्ये नेवारी भाषाका ५१ र मैथिली भाषाका ४६ वटा मात्रै दर्ता छन् । यस्तै हिन्दी भाषाका २४, थारूका १५, उर्दूका ९, भोजपुरीका ८ र तामाङ भाषाका ७ वटा पत्रिका दर्ता सूचीमा छन् । 

राई भाषामा देशभर जम्मा २ वटा मात्र पत्रिका दर्ता हुँदा लिम्बू र तिब्बती भाषामा ३/३ वटा छन् । त्यसैगरी, संस्कृत र डोटेली भाषामा ५/५ वटा पत्रिका दर्ता भएको आर्थिक सर्वेक्षणमा उल्लेख छ । यसबाहेक अन्य विभिन्न रैथाने भाषामा गरी ५२१ पत्रिका दर्ता रहेका छन् ।

सर्वेक्षणले देखाएको पछिल्लो आठ वर्ष २०७४ असारदेखि २०८२ फागुनसम्मको तथ्यांक हेर्दा पत्रपत्रिकाको कुल दर्ता संख्यामा भने क्रमिक वृद्धि भएको देखिन्छ ।

२०७४ असार मसान्तमा कुल ७ हजार ५२८ पत्रिका दर्ता रहेकोमा अहिले त्यो संख्या बढेर ८ हजार ५८ पुगेको हो । तर, समग्र संख्या बढे पनि रैथाने मातृभाषाका पत्रिकाको दर्ता संख्या भने वर्षौंदेखि कि त स्थिर छ, कि त कतिपय भाषामा घट्दो क्रममा रहेको सर्वेक्षणको तथ्यांकले देखाउँछ ।