काठमाडौँ — राजनीतिक विश्लेषक हरि शर्माले प्रविधि, नयाँ मिडिया र पुस्तागत परिवर्तनले नेपाली राजनीतिमा ठूलो परिवर्तन ल्याएको बताएका छन् ।

‘कान्तिपुर कन्क्लेभ–२०२६ को पाँचौं सत्र ‘विचारधाराको अन्त्य ? :  नेपाली राजनीतिको रेट्रोफिटिङ’ शीर्षकको सत्रमा बोल्दै शर्माले सामाजिक सञ्जाल अब केवल सञ्चारको माध्यम नभई ‘सामाजिक जञ्जालको रूपमा विकसित भएको बताए ।

उनका अनुसार प्रविधिको विकासले समय र स्थानको दुरी घटाइदिएको छ, जसले राजनीतिक गतिविधि र जनसम्पर्कको स्वरूप नै परिवर्तन गरिदिएको छ। 'पहिले मान्छे जम्मा गर्नै गाह्रो हुन्थ्यो,' उनले भने, 'तर प्रविधिका कारण अहिले समय र स्थानको दुरी कम भएको छ।' नयाँ मिडियाको प्रभावले स्थानसँग जोडिएका तर हामीले अझै पूर्ण रूपमा नबुझेका नयाँ परिदृश्यहरू देखिन थालेको उनको भनाइ थियो।