काठमाडौँ — यू–२० एएफसी एसियन कप छनोटमा साउदी अरेबियामाथि नेपालको जित, सौर्यले प्राविधिकलाई यात्रुसरह बिमा दिलाउने भएपछि परिवारको आपत्ति, घुससहित पक्राउ परेका कल्याणपुर नगरपालिकाका मेयरविरुद्ध भ्रष्टाचार मुद्दा दायर, ३४१ मेगावाटको बुढीगण्डकी अर्धजलाशययुक्त जलविद्युत् आयोजनामा जुट्यो लगानीदेखि गाजा सहर कब्जा गर्ने इजरायलको घोषणा, सुरक्षा मन्त्रिपरिषद्ले दियो स्वीकृतिसम्मका खबर चर्चामा रहे । 

००००

नेपालले यू–२० एएफसी एसियन कप छनोटमा शुक्रबार साउदी अरेबियालाई १–० ले हराएको छ र यो कठिन जित सावित भयो। सब्स्टिच्युट सुक्रिया मियाँले खेलको ९० औं मिनेटमा निर्णायक गोल गरिन्। पेनाल्टी एरियामा अनमार्क रहेकी सुक्रियाले खेलको एक मात्र गोल गरिन् । भुटानको थिम्पुस्थित चाङलिमिथाङ रंगशालामा भएको खेलको यो नतिजापछि नेपालको छनोट सम्भावना कायम रह्यो, तर यो सम्भावना आफैँमा कठिन भने रहेको छ । 

००००

काठमाडौंमा एक वर्षअघि भएको सौर्य एयरलाइन्सको जहाज दुर्घटनामा ज्यान गुमाएका प्राविधिक कर्मचारीको ‘क्षतिपूर्ति भुक्तानी’ विभेद गरिएको भन्दै परिवारजनले आपत्ति जनाएका छन् । ‘फेरी उडान’ को ‘ड्युटी’ मा रहेकामध्ये दुई जनालाई विमाबापत सम्पूर्ण दाबीको पूर्ण र अन्तिम निप्टाराबापत ५० हजार अमेरिकी डलर ९७० लाख रुपैयाँ हाराहारी० र अन्यलाई यात्रुले पाउने २० हजार अमेरिकी डलर ९करिब २८ लाख रुपैयाँ० मात्र दिइने भएपछि उनीहरू असन्तुष्ट बनेका हुन् ।