काठमाडौँ — ११ महिनाको व्यापार घाटा १४ खर्ब रुपैयाँ, ६१ केजी अवैध सुन तस्करी प्रकरणका फरार आरोपित अमला रोक्का पक्राउ, नागार्जुन नगरपालिकाका निलम्बित मेयर सम्पत्ति शुद्धीकरण मुद्दामा दोषी ठहर, काठमाडौंको कलंकी-कोटेश्वर खण्डमा नवनिर्मित ग्वार्को ओभरपास उद्घाटन, एसिया कप छनोट खेल्ने महिला टिमको घोषणादेखि इजरायली आक्रमणमा इरानको न्युक्लियर सेन्टरमा क्षतिसम्मका खबर आज चर्चामा रहे । 

०००

चालु आर्थिक वर्षको ११ महिनामा १३ खर्ब ९७ अर्ब २२ करोड ७३ लाख रुपैयाँ व्यापार घाटा भएको छ । जुन गत आर्थिक वर्षको सोही अवधिको तुलनामा ६.३० प्रतिशतले बढी रहेको भन्सार विभागले जनाएको छ । 

०००

सुन तस्करी मुद्दामा फरार रहेकी रोल्पाकी अमला रोक्का पक्राउ परेकी छिन् । तिब्बती मूलका बेल्जियन नागरिक दावा छिरिङकी पत्नीसमेत रहेकी रोक्कालाई प्रहरीको केन्द्रीय अनुसन्धान ब्युरोले पक्राउ गरेको हो । उनी टोखाबाट पक्राउ परेकी हुन् ।