पाँचथर — बिहान ९ बज्दासम्म पाँचथरको फिदिम नगरपालिका ४ सुखबोध मावि जोरसालमाका तीनवटा मतदान केन्द्रमा करिब २ सय जनाले भोट खसालिसकेका थिए ।

घाम छिप्पिन थालेसँगै मतदान स्थलमा मतदाता आँउनेक्रम बाक्लिँदै थियो । करिब ३०–४० जना भोट खसाल्ने लाममा थिए, त्यहि बखत मतदान केन्द्र नजिकै विस्फोटको आवाज आयो, मतदानमा खटेका कर्मचारी हच्किए, मतदाताल केहिवेर तितरवितर भए । 

पाँच मिनेट पछि पुन: मतदान सुरु गरियो । मतदान स्थलमा छिरेका एकजना पनि बाहिरिएनन् । सरासर भोट खसालेर  घर फर्किए । बिहान ११ बज्दासम्म त्यहाँको अवस्था साम्य भइसकेको थियो । खाना खाएर भोट खसाल्न थप मतदाता धमाधम केन्द्रतर्फ आउँदैथिए थिए, त केहि लाममा उभिएका थिए । केहि भने भोट हालेर फर्कदै थिए । पुन: बिष्फोटको आवाज आयो । पहिलेभन्दा केहि टाढा धुवाँको मुस्लो देखियो । नजिकै रहेको सशस्त्र प्रहरीको बेस क्याम्पबाट थप मदत आइपुग्यो । मतदान निरन्तर अगाडी बढिरह्यो ।

फिदिम ४ को सुखवोध माध्यामिक विद्यालय मतदान केन्द्रमा निर्वाचन प्रक्रिया अगाडी बढिरहँदा २ पटकसम्म विस्फोट  गराइए पनि निर्वाचत प्रकृया अवरुद्व भएन ।