कांग्रेसमा खसआर्य आरक्षणबाट १३ केन्द्रीय सदस्य निर्वाचित- समाचार - कान्तिपुर समाचार

कांग्रेसमा खसआर्य आरक्षणबाट १३ केन्द्रीय सदस्य निर्वाचित

कान्तिपुर संवाददाता

काठमाडौँ — कांग्रेसको १४ औं महाधिवेशनअन्तर्गत खसआर्य आरक्षणतर्फबाट १३ जना केन्द्रीय सदस्य निर्वाचित भएका छन् । बिहीबार साँझ मतगणना सकिएको हो ।

खसआर्य खुलातर्फ केशवकुमार बुढाथोकी, गोविन्दबहादुर शाह, भीम पराजुली, मधु आचार्य, श्यामकुमार घिमिरे, नारायणबहादुर कार्की र गेहेन्द्र गिरी निर्वाचित भएका छन् ।

निर्वाचित मधु आचार्य बाहेक सबै सभापति शेरबहादुर देउवा निकट हुन् । त्यस्तै, महिलातर्फ मञ्जु खाँण, प्रतिमा गौतम, नानु बाँस्तोला, कान्तिका सेजुवाल, चम्पादेवी खड्का र विद्यादेवी तिमिल्सिना निर्वाचित भएका छन् ।

प्रकाशित : पुस ८, २०७८ १८:५५
प्रतिक्रिया
पठाउनुहोस्

श्रीमतीलाई हत्या गरेको आरोपमा पक्राउ

रमेशकुमार पौडेल

चितवन — श्रीमतीको हत्या गरेको आरोपमा चितवन प्रहरीले भरतपुर महानगरपालिका–६ अमरबस्तीका २५ वर्षीय साजन महतोलाई पक्राउ गरेको छ ।

साजनकी श्रीमती २२ वर्षीया अम्बिाका महतोलाई सोमबार राति आफन्तले घाइते अवस्थामा घर छेउमा भेटेका थिए । मंगलबार बिहान उपचारका लागि अम्बिकालाई भरतपुर अस्पताल पुर्‍याएकोमा चिकित्सकले मृत घोषणा गरेका थिए ।

चितवन जिल्ला प्रहरी कार्यालयका सूचना अधिकारी तथा प्रवक्ता प्रहरी नायब उपरीक्षक (डीएसपी) नरहरि अधिकारीका अनुसार घटना स्थलको प्रकृति हेर्दा र अम्बिकाको शरीरमा लागेको चोट हेर्दा शंका बढेको थियो । सोधपुछ र प्रारम्भिक अनुसन्धानले साजनले अम्बिकाको हत्या गरेको खुल्न आएका डीएसपी अधिकारीले बताए ।

साजनलाई मंगलबार नै पक्राउ गरेर मुद्दा दायर गर्न थप अनुसन्धान भइरहेको डीएसपी अधिकारीको भनाइ छ ।

प्रकाशित : पुस ८, २०७८ १८:५२
पूरा पढ्नुहोस्
प्रतिक्रिया
पठाउनुहोस्
×