कांग्रेस महाधिवेशनको पोष्टर सार्वजनिक

पोष्टरमा महाधिवेशनको नारामा समेत राखिएको छ । कांग्रेसको यो महाधिवेशनको नारा ‘उत्साह, एकता, रुपान्तरण, सफल बनाऔं नेपाली’ राखेको छ ।

महाधिवेशनका लागि पोष्टर सार्वजनिक गरिएको प्रचार प्रसार समितिका सचिव दिनेश थापामगरले जानकारी दिए । ‘यो नै हाम्रो महाधिवेशनको पोष्टर हो । हामीले पार्टीको झण्डा र चुनाव चिन्हमात्रै होइन, नेपालको नक्सा र राष्ट्रिय झण्डालाई पनि त्यसभित्र समेटेका छौं । साथै, कांग्रेसका पूर्वज नेताहरू र हाम्रा आदर्श सिद्धान्तहरूलाई पोष्टरमा समेटेका छौँ,’ थापामगरले भने ।

यही मंसिर २४ गतेदेखि काठमाडौंमा कांग्रेसको १४औं महाधिवेशन हुँदैछ ।