देशभर कांग्रेसका ८ लाख ४० हजार १०६ सदस्य - समाचार - कान्तिपुर समाचार

देशभर कांग्रेसका ८ लाख ४० हजार १०६ सदस्य 

कान्तिपुर संवाददाता

काठमाडौँ — कांग्रेसले १४ औँ महाधिवेशनको संघारमा बल्ल आफ्ना क्रियाशील सदस्यको यकिन गरेको छ । वडा, पालिका, प्रदेशसभा क्षेत्र, प्रतिनिधिसभा क्षेत्र र जिल्ला हुदै सिफारिस भएर आएका सदस्यहरूको पूर्ण विवरण छानबिन गरी कांग्रेसले क्रियाशील सदस्यको संख्या यकिन गरेको हो ।

प्रवक्ता विश्वप्रकाश शर्माले १४ औं महाधिवेशनका लागि ७७ वटै जिल्लामा गरी ८ लाख ४० हजार १०६ जना सदस्यको संख्या यकिन भएको जानकारी दिए । यसअघि १३ औं महाधिवेशनमा क्रियाशील सदस्यको संख्या ४ लाख ७० हजारमात्रै थियो । कांग्रेसले त्यो संख्यालाई दोब्बर पुर्‍याउने लक्ष्यअनुरुप यसपटक सदस्यता वितरण गरेको थियो ।

जसमध्ये ४ लाख १० हजार ६८४ जना पुरानै सदस्य हुन् भने ४ लाख २९ हजार ४२२ जना नयाँ सदस्य थपिएका हुन् । कांग्रेसले ०७६ सालमै क्रियाशील सदस्यताको आवेदन खुलाएपनि त्यसको छानबिन गरी सदस्यताको टुंगो लगाउन दुई वर्ष लगाएको हो ।

तैपनि सदस्यताको विषय निर्विवाद बन्न सकेन । कतिपय पुराना सदस्यले आफ्नो सदस्यता नवीकरण नभएको गुनासो गर्दै अनसन बस्न बाध्य भए, त कतिपय नयाँ सदस्यले सदस्यता लिन नपाएको गुनासो गरे । सदस्यताकै विवादले कांग्रेसको महाधिवेशन पटक–पटक प्रभावित भयो । अहिले पनि सदस्यताकै कारण हतारमा महाधिवेशनको कार्यतालिका ल्याउँदा केन्द्रीय महाधिवेशनअघि १६ जिल्लाले अधिवेशन गर्न नसक्ने अवस्था बनेको छ ।

केन्द्रीय महाधिवेशनअघि जिल्ला अविधेशन नहुने जिल्ला

कैलाली, अछाम, बाँके, सिन्धुली, चितवन, मकवानपुर, बारा, धनुषा, महोत्तरी, पर्सा, रौतहट, सर्लाही, सप्तरी, सिराहा, सिन्धुपाल्चोक, नवलपरासी (बर्दघाटपूर्व)

कुन प्रदेशमा कति ?

प्रदेश १ – १,७४,८१३

प्रदेश २ – १,००,९९९

बाग्मती – १,८६,३३५

गण्डकी – १,१८,१४५

लुम्बिनी – १,३१,११७

कर्णाली–५३,५९६

सुदुरपश्चिम–७५,१०१


उमेर समूहका आधारमा

१६ देखि २५– ३८,९४२

२६ देखि ४० – २,४३,२८७

४१ देखि ६०– ३२११७४

६१ देखि ७५– ८१६४७

७६ देखि माथि– ११,६२३

लैङ्गिक आधारमा

पुरुष– ६,४४,५६५

महिला– १,९५,३७२

अन्य– १६९

समावेशिताका आधारमा

खस आर्य – ३,६७,२७४

दलित – ४४, १७७

आदिवासी जनजाति– २,०६,७३६

मधेशी– ८९,४३९

मुस्लिम– १६,१८२

थारु– २७,३३७

पिछडिएका क्षेत्र– १४,३०६

अपांगता– १८२

अल्पसंख्यक– ६,६२५

प्रकाशित : मंसिर १६, २०७८ १४:४४
प्रतिक्रिया
पठाउनुहोस्

तोकिएभन्दा बढी प्रतिनिधि आएपछि निर्वाचन प्रक्रिया अवरुद्ध

कान्तिपुर संवाददाता

काठमाडौँ — तोकिएभन्दा बढी र फरक प्रतिनिधिहरु आएपछि राप्रपाको निर्वाचन प्रक्रिया अवरुद्ध भएको छ । जिल्लाले पठाएका भन्दा फरक व्यक्ति प्रतिनिधि बनेर आएपछि अवरुद्ध भएको हो । 


सर्लाहीबाट फरक फरक समूह, ललितपुरबाट तोकिएकभन्दा बढी प्रतिनिधि आएपछि निर्वाचन प्रक्रिया अवरुद्ध भएको हो । भक्तपुरबाट प्रतिनिधिहरु छनोट नै नभई महाधिवेशन प्रतिनिधि भन्दै निर्वाचन प्रक्रियामा भाग लिन खोजेका थिए ।

७७ वटै जिल्लाबाट चयन भएका महाधिवेशन प्रतिनिधिहरुको छानबिन भइरहेको निर्वाचन समितिका सदस्य राजु बस्‍नेतले जानकारी दिए । 'केही जिल्लामा विवाद भएपछि जिल्लाले पठाएको विवरण र महाधिवेशन प्रतिनिधिको विवरण रुजु भइरहेको छ, ' बस्नेतले भने,'विवाद टुंगिएपछि निर्वाचन प्रक्रिया सुरु हुन्छ ।'

राप्रपाको पूर्वा निर्धारित समय तालिका अनुसार बुधबार मतदाता नामावली प्रकाशन, बिहीबार उम्मेदवारको मनोनयन दर्ता र शुक्रबार मतदान हुने मिति तोकिएको थियो । राष्ट्रिय सभागृहमा निर्वाचन कार्यालय तोकिएको छ ।

प्रकाशित : मंसिर १६, २०७८ १४:३९
पूरा पढ्नुहोस्
प्रतिक्रिया
पठाउनुहोस्
×