राप्रपा महाधिवेशनमा माधव नेपालले भने- परिवर्तनको गतिलाई पछाडि नधकेलौं- समाचार - कान्तिपुर समाचार
कान्तिपुर वेबसाईट
AdvertisementAdvertisement

राप्रपा महाधिवेशनमा माधव नेपालले भने- परिवर्तनको गतिलाई पछाडि नधकेलौं

कान्तिपुर संवाददाता

काठमाडौँ — नेकपा एकीकृत समाजवादीका अध्यक्ष माधवकुमार नेपालले परिवर्तनलाई रोक्न नसकिने बताएका छन् । राष्ट्रिय प्रजातन्त्र पार्टीको एकता महाधिवेशनमा बोल्दै राजनीतिक दलहरूले जनताको भावनालाई ठीक ढंगले आत्मसात् गरेर अघि बढ्न सुझाव दिएका हुन् ।

'जनताको भावनालाई ठीक ढंगले आत्मसात् गरेर परिवर्तनको संवाहक पनि बनेर अगाडि बढ्नुस् । परिवर्तनको गतिलाई रोक्ने र पछाडि धकेल्ने काममा हामी नलागौँ । इतिहास अगाडि बढिसक्यो । इतिहास पछाडि जाँदैन,’ उनले भने, ‘त्यसैले तपाईंहरू पनि परिवर्तनको संवाहक बन्नुस् ।’

उनले नेपालका राजनीतिक दलहरूमा राष्ट्रियता, लोकतन्त्र र सामाजिक परिवर्तन तथा सामाजिक न्याय र समानताका विषयहरू ब्राण्ड बनेर रहेको बताए । ‘जसले यी ब्राण्डमा काम गरेका छन् । जसले यी एजेन्डा बोकेका छन्, ती राजनीतिकहरूले समाजमा प्रभाव राखेका छन्,’ उनले भने ।

प्रकाशित : मंसिर १५, २०७८ १५:१६
प्रतिक्रिया
पठाउनुहोस्

निर्वाचनको समयमा उम्मेदवारले ७-७ दिनमा खर्च वुझाउनु पर्ने

कान्तिपुर संवाददाता

काठमाडौँ — निर्वाचन आयोगले कुनै पनि तहको उम्मेद्वारले सात/सात दिनमा आम्दानी खर्च सार्वजनिक गर्नुपर्ने नियम बताएको छ ।

प्रमुख निर्वाचन आयुक्त दिनेश थपलियाले स्थानीय तहको निर्वाचन हुँदा आम्दानी खर्चको जानकारी लिन अनुगमनका लागि ७ सय ५३ वटा अनुगमन समिति बनाउने बताएका छन् । त्यसैगरी प्रदेशका लागि ३ सय ३० र प्रतिनिधिससभाका लागि १ सय ६५ स्थानमै समित बनाउने प्रमुख आयुक्त थपलियाले बताए ।

'निर्वाचनको बेलाको हरेक सात/सात दिनमा आम्दानी खर्च सार्वजनिक गर्नुपर्ने नियम बनाएको र त्यसका लागि अब आयोगले यी कुराहरु हेर्नका लागि स्थानीय तहको निर्वाचन हुँदा ७५३ ठाउँमा अनुगमन गर्ने समिति, प्रदेशको निर्वाचन हुँदा ३३० ठाउँमा, प्रतिनिधिसभाको निर्वाचन हुँदा १६५ ठाउँमा अनुगमन समितिको व्यवस्था गरिएको छ,' थपलियाले भने ।

अहिले निर्वाचन सम्पन्न भएपछि सबै उम्मेदवारहरुले एकमुष्ठ रुपमा आम्दानी खर्चको विवरण बुझाउने व्यवस्था रहेको छ । आगामी मंसिर महिनाभित्र तीनै तहको निर्वाचन गरिसक्ने संवैधानिक बाध्यता छ ।

प्रमुख निर्वाचन आयुक्त थपलियाले राष्ट्रियसभाको निर्वाचनमा भने खाता, सम्पत्ति विवरण लगायका कुराहरु स्वयं आयोगले नै हेर्ने पनि बताए ।

प्रकाशित : मंसिर १५, २०७८ १५:१५
पूरा पढ्नुहोस्
प्रतिक्रिया
पठाउनुहोस्
×