अरु पदमा सर्वसम्मत गराएर पदाधिकारीमा मतदान गराउने कोसिस- समाचार - कान्तिपुर समाचार
कान्तिपुर वेबसाईट
AdvertisementAdvertisement
एमाले महाधिवेशन

अरु पदमा सर्वसम्मत गराएर पदाधिकारीमा मतदान गराउने कोसिस

कान्तिपुर संवाददाता

चितवन — एमाले नेताहरुले पदाधिकारीमा मात्रै मतदान गराउने कोसिस गरिरहेका छन् । सर्वसम्मत केन्द्रीय सदस्यहरु चयन गराउन नेताहरु नै सक्रिय भएका छन् । 

उम्मेद्‍वारी फिर्ता गराउनका लागि जनप्रतिनिधि बनाउने, टिकट दिलाउने, सरकारी नियुक्ति दिलाउनेसम्मको आश्वासन दिइरहेका छन् ।

केन्द्रीय समिति सर्वसम्मत गराउन खोज्दा निर्वाचन प्रक्रिया ढिलो भएको छ । ९ बजे उम्मेदवारहरुको अन्तिम नामावाली प्रकाशन गर्ने निर्वाचन समितिको तयारी भएपनि नेताहरुकै कारण निर्धारित समयभन्दा ढिलो भएको हो ।

एमालेका एक नेताले भने,'केन्द्रीय समितिमा सर्वसम्मत गरेर पदाधिकारीमा मात्रै चुनाव गर्ने तयारी भएकाले ढिलाइ भएको हो ।'

अहिलेसम्म खुला महिलातर्फ ५३ जना सर्वसम्मत निर्वाचित भएका छन् भने भूगोल अन्तर्गतको प्रदेश नम्बर २ र कर्णालीको केन्द्रिय समितिका लागि सर्वसम्मत भएको छ । सुदूरपश्चिमलगायत अन्य प्रदेशबाट उम्मेद्‍वारी दिएकाहरुलाई सर्वसम्मत गराउने कोसिस भइरहेको छ ।

१९ सदस्यीय पदाधिकारीमा १/१ वरिष्ठ उपाध्यक्ष र महासचिव, ३ उपमहासचिव पदमा सर्वसम्मत चयन भएको छ । यस्तै, १ अध्यक्ष, ५ उपाध्यक्ष, ७ जना सचिवका लागि पनि मतदान हुने भएको छ ।

प्रकाशित : मंसिर १३, २०७८ २१:४०
प्रतिक्रिया
पठाउनुहोस्

प्रधानन्यायाधीश जबरालाई कोरोना संक्रमण, एपीएफ अस्पताल भर्ना

कान्तिपुर संवाददाता

काठमाडौँ — प्रधानन्यायाधीश चोलेन्द्र शमशेर जबरालाई कोरोना संक्रमण देखिएपछि बलम्बुस्थित सशस्त्र प्रहरी (एपीएफ)अस्पताल भर्ना भएका छन् ।स्रोतका अनुसार सोमबार साँझ एपीएफ अस्पताल बलम्बुमा उनी भर्ना भएका हुन् । 

प्रधानन्यायाधीश चोलेन्द्र शमशेर जबरा । फाइल तस्बिर ।

आइतबार प्रधानन्यायाधीश जबराका एक जना पारिवारिक सदस्यलाई संक्रमण देखिएपछि कन्ट्याक्ट ट्रेसिङमा परेका राणाले सोमबार दिउँसो स्वाब परीक्षण गराएका थिए ।

त्यसको केही घण्टापछि उनको रिपोर्ट कोभिड पोजिटिभ आएको थियो । सर्वोच्च अदालतका प्रवक्ता बाबुराम दाहालका अनुसार राणालाई निमोनिया पनि देखिएको छ ।

कार्यालय समय सकिएपछि उनी एपीएफ अस्पताल पुगेका थिए ।

प्रकाशित : मंसिर १३, २०७८ २१:३८
पूरा पढ्नुहोस्
प्रतिक्रिया
पठाउनुहोस्
×