ओलीद्वारा बन्दसत्रमा ३०१ सदस्यीय केन्द्रीय कमिटीको प्रस्तावित सूची पेश- समाचार - कान्तिपुर समाचार
कान्तिपुर वेबसाईट
AdvertisementAdvertisement
एमाले महाधिवेशन

ओलीद्वारा बन्दसत्रमा ३०१ सदस्यीय केन्द्रीय कमिटीको प्रस्तावित सूची पेश

कान्तिपुर संवाददाता

काठमाडौँ — एमाले महाधिवेशनको मध्यराती सुरु भएको बन्दसत्रमा अध्यक्ष केपी शर्मा ओलीले ३०१ सदस्यी य केन्दीय कमिटीको सूची पेश गरेका छन् ।

सर्वसम्मतिको प्रयास गरे पनि उनीविरुद्ध भीम रावलले अध्यक्षमा उठ्ने घोषणा गरिरहेका बेला ओलीले आइतबार दिनभर गरेको कसरत अनुसार तयार गरेको सूची पेश गरेका हुन् । उनले सूची तयार गरेपछि अध्यक्षमण्डलको बैठक राखेका थिए । उक्त बैठकमा रावलले जुनसुकै हालतमा पनि ओलीविरुद्ध उठ्ने घोषणा गरेका थिए ।


प्रकाशित : मंसिर १३, २०७८ ००:५१
प्रतिक्रिया
पठाउनुहोस्

अध्यक्षमण्डलको बैठकमा रावलले गरे ओलीविरुद्ध उठ्ने घोषणा, अध्यक्षमा उम्मेदवारी दिने

कान्तिपुर संवाददाता

काठमाडौँ — भीम रावलले नेकपा (एमाले)को अध्यक्षमा जसरी उम्मेदवारी दिएरै छाड्ने अडान लिएका छन् । अध्यक्षमण्डलको बैठकमा रावलले ओलीलाई सर्वसम्मत गराउने प्रस्ताव अस्वीकार गरेका हुन् । निवर्तमान अध्यक्ष केपी शर्मा ओलीले सहमतिमा आफू नै अध्यक्ष हुने चाहना राखे पनि निवर्तमान उपाध्यक्ष रावलले उम्मेदवारी दर्ता गराउन फारम लगेकाछन् ।

बैठकपछि रावलले भने ‘अध्यक्षमण्डलको बैठकको कुराकानी हुँदा अध्यक्षमा उठ्ने राजनीतिक घोषणा गरिसकेको छु र मनोनयन पत्र भरिसकेको छ । जहिले भन्छ तहिले मनोनयन पत्र दाखिला गर्छु । अध्यक्षमा मैले दिन्छु । आज दिनभर समय खेर गएको छ ।’ उनले अलोकतान्त्रिक विधिबाट हुने गतिविधिमा आफ्नो समर्थन नरहने बताए ।

प्रकाशित : मंसिर १३, २०७८ ००:३७
पूरा पढ्नुहोस्
प्रतिक्रिया
पठाउनुहोस्
×