निर्वाचन प्रक्रिया स्थगित, सोमबार ८ बजेदेखि उम्मेदवारी दर्ताको काम सुरु हुने- समाचार - कान्तिपुर समाचार
कान्तिपुर वेबसाईट
AdvertisementAdvertisement
एमाले महाधिवेशन

निर्वाचन प्रक्रिया स्थगित, सोमबार ८ बजेदेखि उम्मेदवारी दर्ताको काम सुरु हुने

कान्तिपुर संवाददाता

काठमाडौँ — एमालेको निर्वाचन कार्यतालिकामा हेरफेर भएको छ । एमालेको केन्द्रीय निर्वाचन आयोगका अध्यक्ष विजय सुब्बाले रातिको समयमा उम्मेदवारी दर्ता लगायतका काम नगर्ने भनेर स्थगित गरिएको बताए । 


'यो काम राति नगरौं भन्ने भयो । अहिले निर्वाचनका सबै प्रक्रिया स्थगित गरिएको छ । सोमबार बिहान ८ बजेदेखि सुरु हुन्छ,' सुब्बाले कान्तिपुरसँग भने ।

यसअघि राति सवा २ बजे उम्मेदवारको अन्तिम नामावली प्रकाशित गर्ने गरी निर्वाचन तालिका सार्वजनिक गरिएको थियो ।

भीम रावलले अध्यक्षमा उम्मेदवारी दिने, उपाध्यक्षमा घनश्याम भुसालले उम्मेदवारी दिने तयारी गरेका थिए । कतिपय प्रतिनिधिले केन्द्रीय सदस्यमा उम्मेदवारी दिनका लागि फारामसमेत लिइसकेको अवस्थामा निर्वाचन कार्यक्रम स्थगित गरिएको हो ।

प्रकाशित : मंसिर १३, २०७८ ००:२३
प्रतिक्रिया
पठाउनुहोस्

पेरुमा ७.५ म्याग्निच्यूडको शक्तिशाली भूकम्प

एजेन्सी

लिमा — पेरुमा ७.५ म्याग्निच्यूडको शक्तिशाली भूकम्प गएपछि यहाँका राष्ट्रपति पेद्रो क्यास्तिल्लो तेरोन्सले सबै नागरिकहरूलाई धैर्य रहन भन्दै भूकम्प प्रभावितहरूप्रति ऐकवद्धता जनाएका छन् ।

उनले प्रभावितहरूका लागि सहयोगको अपिल समेत गरेका छन् । आइतबार बिहान पेरुको अमेजन क्षेत्रमा ७.५ म्याग्निच्यूडको भूकम्प गएको हो । जसकारण स्थानीय आदिवासी समुदायका मानिसहरू सुरक्षित स्थानको खोजीमा सडकमा निस्किएका थिए ।

मानवीय क्षति नभए पनि केही भौतिक संरचनामा क्षति पुगेको बताइएको छ । घटनापछि राष्ट्रपति पेद्रोले सम्बन्धित मन्त्रालय र विभागहरूलाई सहयोग जुटाउन पनि निर्देशन दिएका छन् ।

स्थानीय मिडियाका अनुसार अमेजन क्षेत्रलाई केन्द्रविन्दु बनाएर भूकम्प गएको थियो । तैपनि राजधानी लिमा र अन्य छिमेकी सहरमा भूकम्पको ठूलो धक्का महसुस गरिएको थियो । भूकम्प ११२ किमि गहिराइसम्म गएको पनि बताइएको छ ।

भूकम्पपछि सुनामीको भने संकेत गरिएको छैन । आइतबार नै यसअघि ५.२ म्याग्निच्यूडको भूकम्पको महसुस गरिएको बताइएको थियो ।

प्रकाशित : मंसिर १२, २०७८ २३:५१
पूरा पढ्नुहोस्
प्रतिक्रिया
पठाउनुहोस्
×