काठमाडौँ — प्रधानन्यायाधीश चोलेन्द्र शमशेर जबराविरुद्ध सर्वोच्चमा जारी धर्नामा बुधबार महिला वकिलहरू अग्रपंक्तिमा रहेका छन् ।
सर्वोच्च अदालतको प्रांगणमा हातमा कालो पट्टी बाँधेर महिला कानुन व्यवसायी अघिल्लो पंक्तिमा रहेर विरोध गरेका हुन् ।
तस्बिरहरू : जयसिंह महरा/कान्तिपुर
अरु कानुन व्यवसायी र बारका अधिकारी भने पछाडि छन् ।
नेपाल बारकी उपाध्यक्ष रक्षा बस्याललगायत महिला कानुन व्यवसायीले विरोधको अगुवाइ गरिरहेका छन् ।
हातमा कालो पट्टी बाँधेर गर्ने नेपाल बारको विरोधको पहिलो चरणको आन्दोलन आज अन्तिम दिन हो ।
आइतबारदेखि सुरु भएको कालो पट्टी विरोधको आन्दोलन सकिएपछि तिहारपछि अर्को आन्दोलन घोषणा गर्ने बारले जानकारी दिएको छ ।
प्रतिक्रिया
