एसईईको नतिजाअगावै भर्ना नलिन आग्रह- समाचार - कान्तिपुर समाचार
कान्तिपुर वेबसाईट
AdvertisementAdvertisement

एसईईको नतिजाअगावै भर्ना नलिन आग्रह

कान्तिपुर संवाददाता

काठमाडौँ — काठमाडौं महानगरपालिकाले एसइईको परीक्षा नतिजा प्रकाशन हुनुभन्दा पहिले नै कक्षा ११ को भर्ना नलिन सम्बन्धित सबैलाई आग्रह गरेको छ ।

महानगरपालिका शिक्षा विभागले सूचना जारी गर्दै विद्यालय शिक्षा व्यवस्थापन निमावाली २०७४ को नियम ४८ (६) मा भएको व्यवस्थाविपरीत कतिपय माध्यमिक विद्यालय र कलेजले शैक्षिकसत्र २०७७ को एसईईको परीक्षा नतिजा प्रकाशन नहुँदै कक्षा ११ को भर्ना नलिन सबै मावि कलेजलाई आग्रह गरेको हो ।

शिक्षा विभाग प्रमुख रामप्रसाद सुवेदीले जारी गरेको सूचनामा भनिएको छ, “कक्षा ११ मा भर्ना गर्दाको समयमा नै ११ र १२ मा विद्यार्थीसँग लिने शुल्क तोक्नुपर्ने, विद्यार्थीसँग रजिस्ट्रेसन दस्तुर, परीक्षा शुल्क लिँदा राष्ट्रिय परीक्षा बोर्डले तोकेको शुल्क मात्र लिनुपर्ने, विद्यार्थीलाई किताब, कपी, पोशाक र शैक्षिक सामग्री विद्यालयले भनेकै स्थानमा किन्नका लागि बाध्य नबनाउनु ।”

त्यसैगरी कक्षा ११ र १२ मा विद्यार्थीलाई दिइने सेवा र उनीहरुबाट लिइने शुल्क केकति हो यही साउन १५ गतेभित्र विभागलाई बुझाउनुपर्ने र कलेजले तोकेबमोजिम छात्रावृत्ति अनिवार्यरुपमा प्रदान गराउने तथा उक्त सुविधा पाउने विद्यार्थीको विवरण शैक्षिकसत्र सुरु भएको दुई महिनाभित्र विभागमा बुझाउन भनिएको छ ।

यो पनि पढ्नुहोस्ः

एसईईको नतिजा नआउँदै कक्षा ११ मा भर्ना !

प्रकाशित : श्रावण ४, २०७८ १७:०९
प्रतिक्रिया
पठाउनुहोस्

एनआरएन केन्याको पाँचौ राष्ट्रिय महाधिवेशन

कान्तिपुर संवाददाता

काठमाडौँ — गैर आवासीय नेपाली संघ (एनआरएनए) केन्यामा कृष्णप्रसाद गैरेको नेतृत्वमा नयाँ कार्यसमिति निर्विरोध चयन भएको छ । केन्याकोतर्फबाट अन्तर्राष्ट्रिय समन्वय समितिमा प्रतिनिधित्व गर्नेमा भने टिका धिताल चयन भएका छन् ।

केन्याको राजधानी नैरोवीमा सम्पन्‍न पाँचौ राष्ट्रिय महाधिवेशनले नयाँ कार्यसमिति चयन गरेको हो । निर्वाचन संयोजक कृष्णदत्त भट्टका अनुसार महाधिवेशनले उपाध्यक्षद्वय शिवलाल अधिकारी र लक्ष्मी बुलन, महासचिव यज्ञमणि रेग्मी (भरत), सचिव सुरेश मोर, कोषाध्यक्ष रवि जैन, महिला संयोजक मिरा गिरी, युवा संयोजकमा कमल अधिकारी चयन गरेको छ ।

त्यस्तै सदस्यहरु क्रमश: विष्णु भुसाल, गणेश कामी, प्रभाकर भण्डारी, राजन अधिकारी, राजेश पाठक, रेवत श्रेष्ठ र लक्ष्मण गैरे रहेका छन् ।

कार्यक्रममा आईसीसीका पूर्व सदस्य यादव काफ्ले, संस्थापक अध्यक्ष कुलबहादुर कार्की, एनआरएन इराकका पूर्व अध्यक्ष खेम पौडेल लगायतले अफ्रिकी मुलुकलाई मानव तस्करहरुले ट्रान्जिटको रुपमा प्रयोग गर्दै आएकाले सजगता अपनाउनुपर्नेमा जोड दिएका थिए ।

अधिवेशनमा कोषाध्यक्ष यज्ञमणि रेग्मी (भरत) को आर्थिक प्रतिवेदन र महासाचिव टिका धितालको प्रगति प्रतिवेदनलाई पारित गरिएको थियो ।

प्रकाशित : श्रावण ४, २०७८ १६:५२
पूरा पढ्नुहोस्
प्रतिक्रिया
पठाउनुहोस्
×