रावललाई राजीनामा फिर्ता लिन ओलीको सुझाव

‘हतारिएर किन राजीनामा दिएको ? सल्लाह गर्नुपर्ने । ​सकिन्छ भने अझै राजीनामा फिर्ता लिनुस्,’ उनले भने । रावलले प्रधानमन्त्री शेरबहादुर देउवालाई विश्वसाको मत नहालौं भन्दा माधव नेपालले हप्काएर पठाएको ओलीको दाबी छ ।

'भिम रावलहरुले देउवालाई विश्वासको मत नहालौं, पार्टीलाई एकताबद्ध बना‌औं भन्दा, माधव नेपालले म विधि पद्धति निर्णय मान्दिँन, एक्लै भएपनि भोट हाल्छु भनेर हप्काएर पठाए,' बैठकमा ओलीले भने ।

रावलले आइतबार देउवाले विश्वासको मत लिने प्रक्रिया सुरु हुनुअघि राजीनामाको घोषणा गरेका थिए । उनले आइतबार संघीय संसद् भवनमा सञ्चारकर्मीहरुको अगाडी राजीनामा पत्र पढेर सुनाएका थिए ।