बाँकेमा कोरोना संक्रमणबाट थप ९ जनाको मृत्यु 

बाँकेका कोरोना फोकल पर्सन तेज वलीका अनुसार बैजनाथ गाउपालिका वडा नं. २ का ३७ वर्षीया महिला, कोहलपुर नगरपालिका वडा नं. ४ का ४२ वर्षीय पुरुष, बर्दिया ठाकुरबाबाका ४६ वर्षीय पुरुष, बर्दिया ठाकुरबाबाका ३४ वर्षीया महिला, कोहलपुर नगरपालिका वडा नं. ९ का ६१ वर्षीय पुरुष, नेपालगन्ज उपमहानगरपालिका वडा नं. १९ का ३९ वर्षीय पुरुष, सल्यान कुपिन्डेका ६० वर्षीया महिला, बर्दिया गुलरियाका ६० वर्षीय पुरुष, बर्दिया मधुवनका ४० वर्षीय पुरुषको मृत्यु भएको हो ।

बाँकेका दुई ठूला अस्पताल भेरी र कोहलपुर मेडिकल कलेजमा उनीहरुको उपचारका क्रममा मृत्यु भएको हो ।

योसँगै बाँकेमा कोरोनाबाट मृत्यु हुने २ सय २९ पुगेका छन् भने बाहिरी जिल्लाबाट यहाँ उपचार गराउन आउँदा १ सय ७६ जनाको मृत्यु भइसकेको छ ।