१९.१२°C काठमाडौं
काठमाडौंमा वायुको गुणस्तर: १७०

सरकार र चन्द समूहबीच वार्ता सुरु

कान्तिपुर संवाददाता

काठमाडौँ — सरकार र नेत्रविक्रम चन्द नेतृत्वको समूहबीच वार्ता सुरु भएको छ । औपचारिक रूपमा वार्ता टोली गठन गरेको भोलिपल्टै दुवै पक्ष वार्तामा बसेका हुन् । 

सरकार र चन्द समूहबीच वार्ता सुरु

बुधबार बिहानदेखि दुवै पक्षबीच वार्ता भइरहेको र वार्तास्थल गोप्य रहेको चन्द समूहका एक नेताले जानकारी दिए । वार्तामा सरकारका तर्फबाट गृहमन्त्री रामबहादुर थापा र प्रधानमन्त्री केपी शर्मा ओलीका परराष्ट्र मामिला सल्लाहकार राजन भट्टराई तथा चन्द समूहका तर्फबाट खड्गबहादुर विश्वकर्मा र उदय चलाउने सहभागी छन् ।

चन्द समूहले म‌ंगलबार प्रवक्ता विश्वकर्माको नेतृत्वमा दुई सदस्यीय वार्ता टोली सार्वजनिक गरेको थियो । चन्द समूहले जेलमा रहेका आफ्ना नेता–कार्यकर्ता रिहा र हतियारसम्बन्धी मुद्दा फिर्ता गर्नुपर्ने, पार्टीमाथिको प्रतिबन्ध फुकुवा हुनुपर्नेलगायत सर्त अघि सारेको छ ।

सरकारले पनि गृहमन्त्री थापाको संयोजकत्वमा दुई सदस्यीय समिति सार्वजनिक गरेको थियो । मंगलबार सरकारका प्रवक्तासमेत रहेका सञ्चारमन्त्री पार्वत गुरुङले चन्द समूहले पनि वार्ता टोली गठन गरे चाँडै वार्ता हुने बताएका थिए । उनले हतियार मुद्दालगायत विषय वार्ताबाटै टुंगो लगाइने जानकारी दिएका थिए ।

सम्बन्धित समाचार

कसरी बन्यो सरकार र चन्द समूहबीच वार्ताको वातावरण ?

प्रकाशित : फाल्गुन १९, २०७७ १०:३२
प्रतिक्रिया
पठाउनुहोस्
जनताको राय

त्रिभुवन विश्वविद्यालयमा बारम्बार परीक्षार्थीको उत्तरपुस्तिका हराउने गरेको छ। यसको समाधान कसरी हुन्छ?