गृहमन्त्रीको अभिव्यक्तिप्रति टिप्पणी गर्दै भीम रावलले भने : निरंकुशतन्त्र ढल्छ
काठमाडौँ — पुष्पकमल दाहाल-माधवकुमार नेपाल नेतृत्वको नेकपाका स्थायी कमिटी सदस्य भीम रावलले प्रधानमन्त्री केपी शर्मा ओलीले तानाशाह बन्ने दु:स्वपन देखेको बताएका छन् ।
नेता रावलले प्रधानमन्त्री ओलीले निरंकुश पञ्चायती शासनभन्दा अघि बढेर तानाशाह बन्ने दु:स्वप्न देखेको बताएका हुन् । शुक्रबार आयोजित आमसभामा ओली नेतृत्वको सचिवालय सदस्यसमेत रहेका गृहमन्त्री थापाले मांसाहारी आन्दोलन गर्नेलाई जाउलाखेलको चिडियाखानामा लगेर थुन्ने बताएका थिए ।
त्यसैको प्रतिक्रियामा भीम रावलले सामाजिक सञ्जालमा लेखेका छन्, 'प्रधानमन्त्री केपी ओलीको प्रतिनिधि सभा विघटन र मनपरी गर्ने असंवैधानिक कार्यका विरूद्ध आन्दोलन गर्नेहरूलाई जाउलाखेलको चिडियाखानामा थुन्ने गृहमन्त्रीको भाषणले प्रम ओली निरंकुश पञ्चायती शासनभन्दा अघि बढेर तानाशाह बन्ने दु:स्वप्न देखिरहनु भएको पुष्टि हुन्छ । निरंकुशतन्त्र ढल्छ।'
प्रधानमन्त्री केपी ओलीको प्रतिनिधि सभा विघटन र मनपरी गर्ने असंवैधानिक कार्यका विरूद्ध आन्दोलन गर्नेहरूलाई जावलाखेलको चिडियाखानामा थुन्ने गृहमन्त्रीको भाषणले प्रमं ओली निरंकुश पञ्चायती शासनभन्दा अघि बढेर तानाशाह बन्ने दु:स्वप्ना देखिरहनु भएको पुष्टि हुन्छ ।निरंकुशतन्त्र ढल्छ।
— Bhim Rawal, PhD (@BhimRawal179) February 5, 2021
सम्बन्धित समाचार
अब तेस्रो जनआन्दोलन सुरु भयो : गृहमन्त्री थापा
प्रधानमन्त्री ओलीको प्रश्न : मांसाहारी भनेको नरभक्षी आन्दोलन हो ?
