काठमाडौं उपत्यकामा २४ घण्टामा थपिए ८ सय २२ जना कोरोना संक्रमित- समाचार - कान्तिपुर समाचार
कान्तिपुर वेबसाईट
AdvertisementAdvertisement

काठमाडौं उपत्यकामा २४ घण्टामा थपिए ८ सय २२ जना कोरोना संक्रमित

कान्तिपुर संवाददाता

काठमाडौँ — पछिल्लो २४ घण्टामा काठमाडौं उपत्यकामा ८२२ जना कोरोना संक्रमित थपिएका छन् । स्वास्थ्य तथा जनसंख्या मन्त्रालयका बुधबार दिएको जानकारी अनुसार संक्रमित हुनेमा ३७९ महिला र ४४३ पुरुष रहेका छन् ।

मन्त्रालयका अनुसार काठमाडौंमा ५ सय ९९, भक्तपुरमा ६३ र ललितपुरमा १६० जना नयाँ संक्रमित थपिएका हुन् । पछिल्लो २४ घन्टामा नेपालभर थप १७ सय ३ जनामा कोरोना संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ ।

प्रकाशित : मंसिर १२, २०७७ १६:२७
प्रतिक्रिया
पठाउनुहोस्

कास्कीमा बलात्कार प्रयास आरोपमा युवा पक्राउ

प्रतीक्षा काफ्ले

गण्डकी — ७१ वर्षीया वृद्धालाई जबर्जस्ती करणी प्रयास गरेको आरोपमा कास्की प्रहरीले ३४ वर्षीय युवालाई नियन्त्रणमा लिएको छ । पोखरा महानगरपालिका–१९ पुरन्चौरका घनश्याम गिरीलाई पक्राउ गरिएको जिल्ला प्रहरी प्रवक्ता डीएसपी सुवास हमालले बताए ।

उनका अनुसार मंगलबार राति १० बजेको समयमा एक्लै रहेकी वृद्धालाई उनकै घरभित्र प्रवेश गरेर बलात्कार प्रयास गरेका थिए ।

गिरीलाई बुधबार पक्राउ गरी जबरजस्ती करणी उद्योग कसुरमा बिहीबार जिल्ला अदालत कास्कीबाट सात दिनको म्याद थप गरिएको डीएसपी हमालले जानकारी दिए । वृद्धा सोही वडाकी हुन् ।

परिवारमा अन्य सदस्य भए पनि वृद्धा भने एक्लै छुट्टै घरमा बस्दै आएका प्रहरीले जनाएको छ । घटनाबारे थप अनुसन्धान भएको प्रहरीले जनाएको छ ।

प्रकाशित : मंसिर १२, २०७७ १६:२७
पूरा पढ्नुहोस्
प्रतिक्रिया
पठाउनुहोस्
×