१७.१२°C काठमाडौं
काठमाडौंमा वायुको गुणस्तर: १६१

बीपीमा थपियो नयाँ पीसीआर मेसिन

सुनसरी — धरानस्थित बीपी कोइराला स्वास्थ्य विज्ञान प्रतिष्ठानमा नयाँ पीसीआर (पोलिमरेज चेन रियाक्सन) मेसिन बिहीबार जडान गरिएको छ ।

बीपीमा थपियो नयाँ पीसीआर मेसिन

रोटरी क्लब विराटनगर र रोटरी इन्टरनेसनल अमेरिकाको सहयोगमा प्रतिष्ठानको माइक्रोबायोलोजी विभागको प्रयोगशालामा मेसिन जडान गरिएको हो ।

प्रतिष्ठानमा अब तीनवटा पीसीआर मेसिन भएका छन् । माइक्रोबायोलोजी विभागका एडिसनल प्रोफेसर प्रा.डा. नारायण भट्टराईका अनुसार नयाँ मेसिनले प्रतिघण्टा एकसाथ ९० नमुना परीक्षण गर्न सक्छ । अमेरिकाको एज्युर कम्पनीले तयार गरेको उक्त मेसिनको बजार मूल्य करिब ४५ लाख रुपैयाँ रहेको छ ।

‘हामीसँग भएका पीसीआर मेसिनमध्ये एउटा पुरानो हो, बाँकी नयाँ हुन्,’ डा. भट्टराईले भने । बिहीबारै धरान उपमहानगरपालिकाले ८ केभी क्षमताको वासिङ मेसिन प्रतिष्ठानलाई प्रदान गरेको छ ।

उक्त मेसिन प्रयोगशालामा बसेर संक्रामक रोग पहिचान गर्ने चिकित्सक र प्राविधिकहरूले लगाएको कपडा सफा गर्न प्रयोग गरिने प्रतिष्ठानले जनाएको छ ।

प्रकाशित : मंसिर १२, २०७७ ०७:४२
प्रतिक्रिया
पठाउनुहोस्
जनताको राय

बैंकमा लगानीयोग्य रकम थुप्रिएर साढे ६ खर्ब नाघेको छ। बैंकहरूले ब्याजदर घटाउँदासमेत कर्जा प्रवाह बढ्न नसक्नुको कारण के हो?