उपत्यकामा २४ घण्टामा थपिए १ हजार ६९८ संक्रमित- समाचार - कान्तिपुर समाचार
कान्तिपुर वेबसाईट
AdvertisementAdvertisement

उपत्यकामा २४ घण्टामा थपिए १ हजार ६९८ संक्रमित

कान्तिपुर संवाददाता

काठमाडौँ — उपत्यकामा १ हजार ६९८ कोरोना संक्रमित थपिएका छन् । पछिल्लो २४ घण्टामा उपत्यकामा मात्रै १ हजार ६९८ जना संक्रमित भएका स्वास्थ्य मन्त्रालयले आइतबारको पत्रकार सम्मेलनमा जानकारी दिएको हो ।

मन्त्रालयका प्रवक्ता प्रा.डा. जागेश्वर गौतमले दिएको जानकारी अनुसार काठमाडौंमा १ हजार ४५१, ललितपुरमा १३० र भक्तपुरमा ९९ जना संक्रमित भए ।

२४ घण्टामा १४ हजार ८७५ पीसीआर परीक्षण भएका छन् ।

देशभर भने पछिल्लो २४ घण्टामा २९ सय ४२ जनामा कोरोना संक्रमण पुष्टि भएको छ । नयाँ थपिएका कोरोनाका संक्रमितसँगै नेपालमा कोरोना संक्रमितको संख्या १ लाख ३२ हजार २४६ पुगेको छ ।

प्रकाशित : कार्तिक २, २०७७ १६:४२
प्रतिक्रिया
पठाउनुहोस्

२४ घण्टामा थप २९ सय ४२ जनामा कोरोना संक्रमण पुष्टि, संक्रमितको संख्या १ लाख ३२ हजार नाघ्यो

कान्तिपुर संवाददाता

काठमाडौँ — नेपालमा थप २९ सय ४२ जनामा कोरोना संक्रमण पुष्टि भएको छ । पछिल्लो २४ घण्टामा विभिन्न जिल्लाका प्रयोगशालाहरुमा गरिएको परीक्षणमा २९ सय ४२ जना संक्रमित भेटिएका स्वास्थ्य तथा जनसंख्या मन्त्रालयले जनाएको छ । नयाँ थपिएका कोरोनाका संक्रमितसँगै नेपालमा कोरोना संक्रमितको संख्या १ लाख ३२ हजार २४६ पुगेको छ । 

२४ घण्टामा १४ हजार ८७५ पीसीआर परीक्षण भएका छन् ।

मन्त्रालयको नियमित प्रेस ब्रिफिङका क्रममा आइतबार प्रवक्ता डा. जागेश्वर गौतमले २४ घण्टामा २३ सय २६ जना डिस्चार्ज भएको जानकारी दिए । यससँगै हालसम्म निको हुनेहरुको संख्या ९२ हजार १ सय ६६ पुगेको छ ।

सक्रिय संक्रमित ३९ हजार ३ सय ४१ रहेका छन् । पीसीआर परीक्षण हालसम्म कुल १२ लाख ८३ हजार ३ सय ५४ भएको छ ।

देशभर ४ हजार ८ सय ३१ जना क्वारेन्टीनमा रहेका छन् ।

पछिल्लो २४ घण्टामा १२ जना व्यक्तिको कोभिड १९ संक्रमणका कारण मृत्यु भएको छ । हालसम्म कोभिड संक्रमणका कारण मृत्यु हुनेहरुको संख्या ७३९ पुगेको छ ।

प्रकाशित : कार्तिक २, २०७७ १६:३१
पूरा पढ्नुहोस्
प्रतिक्रिया
पठाउनुहोस्
×