सांसदलाई दसैं भत्ता दिनुभन्दा भेन्टिलेटर किनौं : जनार्दन शर्मा - समाचार - कान्तिपुर समाचार
कान्तिपुर वेबसाईट
AdvertisementAdvertisement

सांसदलाई दसैं भत्ता दिनुभन्दा भेन्टिलेटर किनौं : जनार्दन शर्मा 

कान्तिपुर संवाददाता

काठमाडौँ — नेकपाका सांसद जनार्दन शर्माले कोरोना भाइरस (कोभिड- १९)को महामारी चलिरहेको बेला सांसदहरूलाई भत्ता दिने रकम भेन्टिलेटर किन्न लागि खर्च गर्नुपर्ने बताएका छन् । उनले आफूले पाएको दसैं भत्तावापतको रकम एक बिरामीको उपचारमा खर्च गर्ने पनि जानकारी दिएका छन् । 

संघीय सांसद र प्रदेश सभा सदस्यहरूले दसैं भत्ता वापतको रकम लिएको भन्दै आलोचना भइरहेको बेलामा सांसद शर्माको उक्त धारणा आएको हो । प्रतिनिधिसभा सदस्य शर्माले ट्विटरमा लेखेका छन्, 'कोरोनाको महामारी हाम्रो मुख्य समस्या हो । यस्तो बेला दसैं भत्ता सांसदलाई दिनुभन्दा भेन्टिलेटर किनौं ।'

सांसद शर्माले आफूले पाएको दसैं भत्तावापतको रकम भेन्टिलेटरमा राखेर उपचार गर्नु परेक बिरामीलाई दिने जानकारी दिएका छन् । उनले लेखेका छन्, 'दसैं भत्तास्वरुप आएको रकम कालिकोटका पूर्व जनमुक्ति सेनाका योद्धा नरेन्द्र बोहरालाई भेन्टिलेटरमा राखी उपचार गर्नु परेकोले उहाँलाई हस्तान्तरण गर्दछु ।'

यसअघि नेकपाका नेता भीम रावलले पनि आफूले प्राप्त गरेको दसैं भत्ता वापतको रकम फिर्ता गर्ने घोषणा गरिसकेका छन् । संघीय संसद सचिवालयले प्रत्येक सांसद र संसदका पदाधिकारी तथा सांसदका स्वकीय सचिवहरूलाई प्राप्त गर्दै आएको एक महिनाको पारिश्रमिक जत्तिकै रकम दसैं भत्तावापत बैंक खातामा जम्मा गरेको थियो ।

सम्बन्धित समाचारः

प्रकाशित : कार्तिक २, २०७७ १३:४२
प्रतिक्रिया
पठाउनुहोस्

कंगना र बहिनी रंगोलीविरुद्ध 'एफआईआर' दर्ता

एजेन्सी

धार्मिक वैमनस्यता(घृणा) फैलाएको आरोपमा प्रहरीले बलिउड अभिनेत्री कंगना रनावत र उनकी बहिनी रंगोली चंदेलविरुद्ध 'एफआईआर' दर्ता गरेको छ । टाइम्स अफ इन्डियाका अनुसार शनिबार बान्द्रा मेट्रोपोलिटियन मेजिस्ट्रेटले मुम्बई प्रहरीलाई कंगना र उनकी बहिनी रंगोलीविरुद्ध मुद्दा दर्ता गर्न निर्देशन दिएपछि 'केस' दर्ता भएको हो ।

बलिउडका कास्टिङ डिरेक्टर शाहिल असरफ सैयद र मुन्ना वरालीले बान्द्रा मेजिस्ट्रेट कोर्टमा दुई दिदीबहिनीविरुद्ध निवेदन दिएपछि मुद्दा दर्ता भएको भारतीय सञ्चारमाध्यमले उल्लेख गरेका छन् । सैयदले पछिल्ला केही महिनामा अभिनेत्री कंगनाले सामाजिक सञ्जाल ट्विटर र अन्तर्वार्तामार्फत् बलिउडलाई नातावाद, फेभरिटिज्म हब, लागूूपदार्थ दुर्व्यसनी र अपराधीहरुको अड्डाको रुपमा बदनाम गरेको भन्दै निवेदन दिएको 'द हिन्दुस्तान टाइम्स'मा उल्लेख छ ।

सैयदको बयानमा लेखिएको छ, 'मानिसहरुका बीचमा बलिउडको नराम्रो छवि निर्माण गर्नुका साथै दुई समुदाय (हिन्दु र मुस्लिम)बीच साम्प्रादायिक विभाजन र फाटो खडा गर्ने प्रयास गरेका छन् । कंगनाले आफ्नो सबै ट्विटमा धर्म जोड्दै आएकी छिन् ।' रंगोलीले पनि साम्प्रादायिक विभाजन ल्याउने किसिमको आपत्तिजनक ट्विट गरेको सैयदले बताएका छन् । उनको ट्विटले मस्लिम समुदायको मानिसको भावनामा चोट पुर्‍याएकोसमेत सैयदले मिडियालाई बताएका छन् ।

प्रहरीमा यो मुद्दा दर्ता भएपछि कंगनाकी वकिल रिजवान सिद्दिकीले अभिव्यक्ति स्वतन्त्रतालाई साम्प्रादायिक पक्षसँग जोडेर हेर्न नमिल्ने बताएका छन् ।

प्रकाशित : कार्तिक २, २०७७ १३:३५
पूरा पढ्नुहोस्
प्रतिक्रिया
पठाउनुहोस्
×