२४ घन्टामा थप १० जनाको कोरोनाबाट मृत्यु, मृतककाे संख्या ४ सय ९१ पुग्याे- समाचार - कान्तिपुर समाचार
कान्तिपुर वेबसाईट
AdvertisementAdvertisement

२४ घन्टामा थप १० जनाको कोरोनाबाट मृत्यु, मृतककाे संख्या ४ सय ९१ पुग्याे

कान्तिपुर संवाददाता

काठमाडौँ — पछिल्लो २४ घन्टामा नेपालमा थप १० जनाको कोरोना संक्रमणबाट मृत्यु भएको स्वास्थ्य तथा जनसंख्या मन्त्रालयले जनाएको छ ।

मन्त्रालयको नियमित प्रेस ब्रिफिङका क्रममा मंगलबार प्रवक्ता डा जागेश्वर गौतमले थप १० जनाकाे मृत्युसँगै कोरोना संक्रमणबाट नेपालमा मृत्यु हुनेको संख्या ४ सय ९१ पुगेको छ ।

प्रकाशित : आश्विन १३, २०७७ १६:३१
प्रतिक्रिया
पठाउनुहोस्

उपत्यकामा २४ घण्टामा थप ९ सय ३४ जनामा कोरोना संक्रमण

कान्तिपुर संवाददाता

काठमाडौँ — पछिल्लो २४ घण्टामा काठमाडौं उपत्यकामा थप ९ सय ३४ जनामा कोरोना संक्रमित देखिएका छन् ।

स्वास्थ्य तथा जनसंख्या मन्त्रालयको मंगलबार नियमित मिडिया ब्रिफिङका क्रममा काठमाडौंमा ७ सय ४७, ललितपुरमा १ सय १४ र भक्तपुरमा ७३ जना संक्रमित थपिएका हुन् ।

सोमबार काठमाडौंमा ६ सय ४९, ललितपुरमा १ सय ३२ र भक्तपुरमा ३६ जना गरी ८ सय १७ जनामा कोरोना संक्रमण देखिएको थियो ।

यस्तै, पछिल्लो २४ घण्टामा नेपालभर ७ सय ३१ जना कोरोना संक्रमित निको भएका छन् । योसँगै नेपालमा कोरोनाबाट निको हुनेहरुको संख्या ५५ हजार ३ सय ७१ पुगेको मन्त्रालयका प्रवक्ता डा.जागेश्वर गौतमले बताएका छन् ।

यस्तै मुलुकभर कोरोना संक्रमितको संख्या ७६ हजार २ सय ५८ पुगेको छ । हाल सक्रिय कोरोना संक्रमितको संख्या २० हजार ३ सय ९६ पुगेको मन्त्रालयका प्रवक्ता डा.गौतमले मंगलबारको मिडिया ब्रिफिङमा जानकारी दिएका छन् ।

पछिल्लो २४ घण्टामा १० हजार ८ सय ९१ पीसीआर परीक्षण भएका छन् ।

प्रकाशित : आश्विन १३, २०७७ १६:३१
पूरा पढ्नुहोस्
प्रतिक्रिया
पठाउनुहोस्
×