भक्तपुर — मध्यपुर थिमि नगरपालिकाका दुई जना कोरोना संक्रमित पुरुषको मृत्यु भएको छ । मध्यपुर थिमि नगरप्रमुख मदनसुन्दर श्रेष्ठका अनुसार मध्यपुर थिमि–५ भुंलाखेलका ७७ वर्षीय पुरुष र वडा नम्बर ७ नगदेशका ८१ वर्षीय पुरुषको सोमबार मृत्यु भएको हो ।

भुंलाखेलका ७७ वर्षीय पुरुषको मुटुको अपरेशन गर्नुअघि पीसीआर परीक्षण गर्दा कोरोना संक्रमण देखिएको र अपरेशनपछि गंगालाल अस्पतालमा मृत्यु भएको उनले बताए । ती पुरुषमा ४ दिन अघि शुक्रबार कोरोना संक्रमण पुष्टि भएको थियो ।

त्यसैगरी, मध्यपुर थिमि–७ नगदेशका ८१ वर्षीय पुरुषमा एकसाता अघि कोरोना संक्रमण पुष्टि भइ ‘होम आइसोलेसन’ बसेको र स्वास्थ्यमा समस्या देखिएपछि मेघा अस्पताल लगिएको नगरप्रमुख श्रेष्ठले बताए ।