गोरखाका कोरोना संक्रमित पुरुषको काठमाडौंमा मृत्यु- समाचार - कान्तिपुर समाचार
कान्तिपुर वेबसाईट
AdvertisementAdvertisement

गोरखाका कोरोना संक्रमित पुरुषको काठमाडौंमा मृत्यु

हरिराम उप्रेती

गोरखा — गोरखाका कोरोना संक्रमित एक पुरुषको काठमाडौंमा उपचारका क्रममा मृत्यु भएको छ । भिमसेन थापा गाउँपालिका–१ का ४५ वर्षीय पुरुषको उपचारको क्रममा मृत्यु भएको हो ।

त्रिवि शिक्षण अस्पताल महाराजगञ्जमा उपचारका क्रममा ती पुरुषको शनिबार मृत्यु भएको जिल्ला स्वास्थ्य कार्यालय गोरखाका सूचना अधिकारी राजु रमण न्यौपानेले बताए ।

मिर्गौला सम्बन्धि समस्या भएपछि ती पुरुष भदौ २१ गते उपचारका लागि टिचिङ अस्पतालमा भर्ना भएका थिए । उनको भदौ २३ गते कोरोना पुष्टि भएको थियो ।

प्रकाशित : भाद्र २७, २०७७ २०:४३
प्रतिक्रिया
पठाउनुहोस्

आर्सनलको विजयी सुरुआत, फुलहम सजिलै पराजित

एजेन्सी

लन्डन — आर्सनलले इंग्लिस प्रिमियर लिगको नयाँ सिजनमा उत्साहवर्धक सहज जित निकालेको छ । यसका लागि उसले यसै सिजन प्रियिमर लिगमा उक्लेको फुलहमलाई ३–० ले हरायो र पूरा तीन अंक बटुल्यो ।

आर्सनलका लागि एलेक्जान्डर लेकाजेटले आठौं मिनेटमा सिजनकै पहिलो गोल गरे । त्यसयता ग्याब्रिएल र पिएरे एमिरिक एबमेयाङले १/१ गोल गरे । डेब्युमा ग्याब्रिएलले ४९ औं मिनेटमा गोल गरे भने एबमेयाङले ५७ औं मिनेटमा तेस्रो गोल थपे । मिखेल आर्टेटा व्यवस्थापकमा आएयता आर्सनलको प्रदर्शन सुधारतर्फ अग्रसर छ ।

प्ले अफ फाइनलबाट इंग्लिस फुटबलको माथिल्लो डिभिजनमा आएको फुलहमको घरेलु मैदान बेहोरेको हारपछि उसले पूरा सिजन संघर्ष गर्नु पर्ने देखाएको छ । दुई वर्ष अगाडि पनि माथि उक्लेको फुलहम त्यही सिजन फेरि रेलिगेसनमा परेको थियो ।

प्रकाशित : भाद्र २७, २०७७ १९:२८
पूरा पढ्नुहोस्
प्रतिक्रिया
पठाउनुहोस्
×