२४ घन्टामा थपिए १ हजार ४१ कोरोना संक्रमित - समाचार - कान्तिपुर समाचार

२४ घन्टामा थपिए १ हजार ४१ कोरोना संक्रमित 

कान्तिपुर संवाददाता

काठमाडौँ — देशभर १ हजार ४१ जना कोरोना संक्रमित थपिएका छन् । पछिल्लो २४ घन्टामा नेपालमा १ हजार ४१ जनामा कोरोना संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ ।

यो सँगै देशभर ४५ हजार २७७ जना संक्रमित पुगेको छ ।

मन्त्रालयका अनुसार हालसम्म पीसीआर विधिबाट ७ लाख ५७ हजार ९६३ परीक्षणहरु गरिएका छन् । त्यसैगरी २४ घण्टामा जम्मा १२ हजार ४७३ पीसीआर परीक्षण भएका छन् ।

हालसम्म क्वारेन्टाइनमा रहनेको संख्या ६ हजार ७०१ जना रहेका छन् । त्यसैगरी सकृय संक्रमितको संख्या १७ हजार ८७० जना रहेको छ ।

२४ घन्टामा १ हजार ५६६ जना डिस्चार्ज भएका छन् । हालसम्म निको हुनेको संख्या २७ हजार १२७ पुगेको स्वास्थ्य तथा जनसख्या मन्त्रालयका प्रवक्ता डा जागेश्वर गौतमले जनाए । निको प्रतिशत ६० रहेको छ ।


स्रोत : स्वास्थ्य तथा जनसंख्या मन्त्रालय

प्रकाशित : भाद्र २०, २०७७ १६:२५
प्रतिक्रिया
पठाउनुहोस्

रुकुम पश्‍चिमबाट शनिबार १९ जना डिस्चार्ज

हरि गौतम

रुकुम पश्चिम — कोरोना संक्रमण भएर आइसोलेसनमा रहेकामध्ये १९ जना डिस्चार्ज भएका छन् । जिल्लाका विभिन्न आइसोलेशनबाट शनिबार १९ जना डिस्चार्ज भएका हुन् ।

कोरोना संक्रमणपछिको पहिलो परीक्षण रिपोर्ट नेगेटिभ आएर पनि १४ दिन आइसोलेसनमा बसेकाहरुलाई डिस्चार्ज गरिएको स्वास्थ्य सेवा कार्यालयका कोरोना रोग फोकल पर्सन ईश्वर रावलले जानकारी दिए । उनका अनुसार कोरोना मुक्त हुनेमा २ वर्षीयदेखि ४० वर्षसम्मका छन् ।

आठबीसकोट नगर अस्पताल, जिल्ला अस्पताल तथा मुसीकोट नगरपालिकाको आइसोलेशनमा रहेकाहरु डिस्चार्ज भएका हुन् । फोकल पर्सन रावलका अनुसार अब जिल्लामा ९ जना कोरोनाका सक्रिय संक्रमित छन् । ६४ जनालाई कोरोना संक्रमण पुष्टि भएकामा ५५ जना निको भएर घर फर्किसकेका छन् ।

प्रकाशित : भाद्र २०, २०७७ १५:५३
पूरा पढ्नुहोस्
प्रतिक्रिया
पठाउनुहोस्
×