काठमाडौँ — नेपालमा १ सय ३२ जना कोरोना संक्रमितहरु आईसीयूमा उपचाररत रहेको स्वास्थ्य तथा जनसंख्या मन्त्रालयले जनाएको छ ।
सोमबारसम्म देशभर १३२ जना आईसीयूमा र १६ जना कोरोना संक्रमितहरु भेन्टिलेटरमा उपचाररत रहेको मन्त्रालयका प्रवक्ता डा.जागेश्वर गौतमले बताए ।
प्रदेश १ मा ४, प्रदेश २ मा ३८,वाग्मतीमा ७०,गण्डकीमा ३, प्रदेश ५ मा १७ गरी १३२ जना कोरोना संक्रमित आईसीयूमा उपचाररत छन् ।
यस्तै,प्रदेश १ मा १, वाग्मती प्रदेशमा १३ र प्रदेश ५ मा २ गरी १६ जना संक्रमितहरु भन्टिलेटरमा उपचाररत रहेको मन्त्रालयले जनाएको छ ।
प्रवक्ता गौतमले १२ वटा जिल्लामा ५ सय भन्दा बढी संक्रमितहरु रहेका र मुस्ताङ र हुम्लामा भने संक्रमितको संख्या शून्य रहेको बताए ।
नेपालमा हालसम्म कोरोना मृत्यु हुनेको संख्या २ सय २८ पुगेको छ । सोमबार मात्रै ४ पुरुष र ३ महिला गरी ७ जना संक्रमितको मृत्यु भएको छ ।
