कान्ति बाल अस्पतालमा उपचाररत १३ महिने बालिकामा देखियो कोरोना

कान्तिपुर संवाददाता

काठमाडौँ — कान्ति बाल अस्पतालमा उपचाररत एक बालिकामा कोरोना संक्रमण देखिएको छ । अस्पतालका निर्देशक डा.कृष्ण पौडेलले १३ महिने बालिकामा शुक्रबार कोरोना संक्रमण पुष्टि भएको जानकारी कान्तिपुरलाई दिए ।

उनका अनुसार ती बालिका उदयपुर जिल्लाका हुन् । उनलाई असार १४ गते अस्पताल भर्ना गरिएको थियो । बालिकामा रक्तअल्पता र ज्वरोको समस्या थियो ।

डा. पौडेलेका अनुसार कान्तिमा कोरोना पुष्टि भएको पहिलो पल्ट हो । कोरोना पुष्टिपश्चात बालिकालाई शुक्रबार नै बलम्बुस्थित कोभिसशस्त्र प्रहरी अस्पतालमा सारिएको छ ।

शिशुको उपचारमा संलग्न १६ स्वास्थ्यकर्मी र ५ जना बालबालिकाहरुको स्वाब संकलन गरी पीसीआर परीक्षणका लागि पठाइएको डा पौडेलले जानकारी दिए । हालसम्म कान्ति अस्पतालमा १९६ जनाको पीसीआर परीक्षणको लागि नमुना संकलन गरिएको छ ।

प्रकाशित : असार २०, २०७७ २०:०८
प्रतिक्रिया
पठाउनुहोस्

राष्ट्रपतिलाई भेटेर फर्किएलगत्तै प्रधानमन्त्री ओली मन्त्रीहरूसँगको छलफलमा 

कान्तिपुर संवाददाता

काठमाडौँ — राष्ट्रपति विद्यादेवी भण्डारी र प्रधानमन्त्री केपी शर्मा ओलीबीचको भेटवार्ता सम्पन्न भएको छ । प्रधानमन्त्री ओली राष्ट्रपति भण्डारीलाई भेट्न शनिबार साँझ शीतल निवास पुगेका थिए । त्यहाँबाट फकिएलगत्तै प्रधानमन्त्री ओली मन्त्री र राज्यमन्त्रीहरूसँग छलफलमा जुटेका छन् । 

मन्त्री र राज्यमन्त्रीहरूसँग समसामयिक राजनीतिक घटनाक्रमबारे परामर्श गर्दै प्रधानमन्त्री केपी शर्मा ओली। तस्बिरः प्रधानमन्त्रीको निजी सचिवालय

राष्ट्रपति भण्डारी र प्रधानमन्त्री ओलीबीच करिब एक घन्टा छलफल भएको थियो । राष्ट्रपतिसँगको छलफल सकिएलगत्तै बालुवाटारमा प्रधानमन्त्री ओली अहिले मन्त्री र राज्यमन्त्रीहरूसँग छलफलमा जुटेका हुन् ।

प्रधानमन्त्रीले समसामयिक विषयमा मन्त्री र राज्यमन्त्रीहरूसँग छलफल गरिरहेको प्रधानमन्त्रीका प्रेस सल्लाहकार सूर्य थापाले जानकारी दिएका छन् ।

प्रधानमन्त्री केपी शर्मा ओलीलाई सत्तारुढ नेकपाले पार्टी अध्यक्ष र प्रधानमन्त्रीबाट राजीनामा गर्न भनेर स्थायी कमिटी बैठकमा दबाब बढाएको छ । स्थायी कमिटीको दबाबका बीच प्रधानमन्त्रीले संसद अधिवेशन अन्त्यका लागि राष्ट्रपति समक्ष सिफारिस गरेका थिए । जसअनुसार नै संसद अधिवेशन गत बिहीबार अन्त्य भएको छ ।

प्रकाशित : असार २०, २०७७ २०:०४
पूरा पढ्नुहोस्
प्रतिक्रिया
पठाउनुहोस्
×