सलह कक्रक्कै हुने अमेरिकी गीत संकलन गर्दैछौं : मन्त्री भुसाल

राजकुमार कार्की

काठमाडौँ — कृषि तथा पशुपन्छी विकासमन्त्री घनश्याम भुसालले संगीतले सलहलाई लठ्याउने जानकारी पाएको उल्लेख गर्दै त्यस्तो गीत तथा संगीत झिकाउन लागिपरेको बताएका छन् । उनले ‘सलह कीरा कक्रक्कै हुने’ अमेरिकी हेभी मेटल म्युजिक ब्यान्डको गीत संकलन भइरहेको जानकारी दिए ।

सिन्धुलीमाढीमा आइतबार आयोजित पत्रकार सम्मेलनमा मन्त्री भुसालले स्थानीय तहले सलह नियन्त्रण गर्न सक्ने अवस्था नभएर ठूलो क्षति हुन थाले केन्द्रले बजेट पठाउने बताए । ‘अहिलेसम्म स्थानीय तहले नै नियन्त्रण गर्न सक्ने खालको छ,’ उनले भने, ‘धेरै फैलिएर नियन्त्रणमा बजेट अपर्याप्त भयो भने पालिकालाई हामी बन्दोबस्त गर्नेछौं ।’

सलह नियन्त्रणका लागि संगीत र गीत धेरै प्रभावकारी हुने चर्चा गर्दै मन्त्री भुसालले भने, ‘मलाई अस्ट्रेलियामा बस्ने भाइले फोनमा सलह कीरा नियन्त्रणका लागि गीत र संगीत प्रभावकारी हुने भनेका छन्, त्यहीअनुसार गीत संकलन गर्न लागिएको छ ।’ सलहले नियन्त्रणका विषयमा मन्त्रालय, प्रदेश र स्थानीय तहहरूले के–के गर्ने भनेर चाँडै निर्देशिका बनाइने पनि उनले बताए ।

मन्त्री भुसालले प्रदेश ५ सरकारले सलह किलोको २० रुपैयाँ र प्रदेशसभा सदस्यले एक सय रुपैयाँ दिन्छु भनेर बढाबढ गर्नु सुखद पक्ष भएको बताए ।

प्रकाशित : असार १५, २०७७ ०९:४३
प्रतिक्रिया
पठाउनुहोस्

पाकिस्तानी टोली इंग्ल्यान्ड भ्रमणमा

एजेन्सी

कराँची — कोरोना भाइरस (कोभिड–१९) को संक्रमण देखिएका १० खेलाडीबिनै पाकिस्तानी क्रिकेट टोली आइतबार इंग्ल्यान्ड भ्रमणमा निस्किएको छ ।

पाकिस्तानी टेस्ट टोलीका कप्तान अझर अलीले आफूहरू इंग्ल्यान्डमा गएर खेल्न आतुर रहेको जनाएका छन् । कोरोनाको महामारीसँग रोकिएयता टेस्ट म्याच हुन सकेको छैन । पाकिस्तानले त्यसयता पहिलो पटक टेस्ट खेल्न लागेको हो । इंग्ल्यान्डले पाकिस्तानसँग खेल्नुअघि वेस्ट इन्डिजसँग खेल्नेछ । त्यसका लागि वेस्ट इन्डिज यसअघि नै इंग्ल्यान्ड आइसकेको छ ।

‘कठिन परिस्थितिपछि सबै खेलाडीहरू उत्साही छन्,’ अलीले इंग्ल्यान्ड प्रस्थान गर्नुअघि भने, ‘कठिन स्थितिमा इंग्ल्यान्ड भ्रमणमा जाँदैछौं, त्यसै पनि इंग्ल्यान्डसँग खेल्नु चुनौती छ । हामीले त्यहाँ गरेको पछिल्लो दुई भ्रमणको प्रदर्शनले राम्रो खेल्न प्रेरणा दिनेछ, हामीले त्यसैलाई निरन्तरता दिने प्रयास गर्नेछौं ।’ पाकिस्तानले २०१६ को इंग्ल्यान्ड भ्रमणको चार टेस्ट शृंखलामा २–२ तथा दुई वर्षअघि दुई टेस्ट शृंखलामा १–१ को नतिजा निकालेको थियो ।

चार्टर गरिएको प्लेनमा २० खेलाडी पाकिस्तान लागेका थिए, त्यसमा दुई वैकल्पिक खेलाडी छन् । पाकिस्तान क्रिकेट बोर्डले उपलब्ध गराएको तस्बिरमा पाकिस्तानी क्रिकेट टोलीले लाहोर एयरपोर्टमा माक्स लगाएर समाजिक दूरी कायम राखेको देखिन्थ्यो । पाकिस्तानी टोली इंग्ल्यान्डमा पुगेपछि दुई साता आइसोलेसनमा बस्नेछ भने पहिलो टेस्टअघि दुई चार दिवसीय अभ्यास खेल खेल्नेछ ।

भ्रमणमा कोरोनाको संक्रमण भएका १० खेलाडीलाई समावेश गरिएको छैन । गत सोमबारमात्र सद्दाब खान, हरिश रौफ र हैदरी अललाई कोरोना संक्रमण पुष्टि भएको थियो । त्यसको भोलिपल्ट फखर जमान, मोहम्मद रिजवान, वाहब रियाज, इमरान खान, मोहम्मद हफिज, मोहम्मद हस्नाइन, कासिफ भाटीमा कोरोना संक्रमण भएको थियो । त्यसमा पछि पुनः परीक्षण गर्दा ६ जनाको रिपार्ट नेगेटिभ आएको हो । तर लगातार दुई पटक नेगेटिभ नतिजा आएपछि मात्र खेलाडी पाकिस्तानी टोलीमा समावेश हुन पाउनेछन् । पाकिस्तानले अगस्टमा इंग्ल्यान्डसँग तीन टेस्ट र तीन ट्वान्टी–२० खेल्ने कार्यक्रम छ ।

प्रकाशित : असार १५, २०७७ ०९:०८
पूरा पढ्नुहोस्
प्रतिक्रिया
पठाउनुहोस्
×