काठमाडौँ — युवा तथा खेलकुद क्षेत्रका लागि २ अर्ब ३६ करोड रकम विनियोजन भएको छ । उक्त रकमले युवा तथा खेलकुद क्षेत्रको विकासका लागि खर्च गरिने अर्थमन्त्री युवराज खतिवडाले जानकारी दिए । 

संघीय संसदको संयुक्त बैठकमा बिहीबार आगामी आर्थिक वर्ष २०७७/७८ को बजेट प्रस्तुत गर्दै मन्त्री खतिवडाले उक्त बजेटबाट खेलकुद संरचना तथा प्रतियोगिता सञ्‍चालन गरिने बताए । कर्णाली प्रदेशमा राष्ट्रिय स्तरको खेलकुद प्रतियोगिता सञ्‍चालन गर्न सकिने संरचना निर्माण गर्न बजेट विनियोजन गरिएको छ । 

'कर्णाली प्रदेशमा राष्ट्रिय स्तरको खेदकुद प्रतियोगिता सञ्‍चालन हुनसक्ने खेलकुद पूर्वाधार निर्माण गरिनेछ । उच्च पर्वतीय खेलकुद तालिम स्थापना गर्न र थप कबर्ड हल निर्माण गर्नका लागि बजेट व्यवस्था गरेको छु,' मन्त्री खतिवडाले भने ।