कोरोनाको उपचारका लागि सरकारले छान्यो १ सय ११ अस्पताल
काठमाडौँ — सरकारले कोरोना भाइरस (कोभिड–१९) तथा अन्य स्वास्थ्य सेवा प्रवाहका लागि अन्तरिम निर्देशिका २०७६ जारी गरेको छ । कोभिड –१९ को संक्रमण दर बढेसँगै सरकारले अन्तरिम निर्देशिका जारी गरिएको हो ।
प्राथमिकदेखि विशिष्टिकृत सेवा प्रवाह गर्ने स्वास्थ्य संस्थाहरुमा कोरोनाका शंकास्पद, सम्भावित र पुष्टि भएका केसहरुको व्यवस्थापनलाई सहज र सरल बनाउन निर्देशिका बनाइएको हो ।
सरकारले कोभिड–१९ को परीक्षण तथा उपचारका लागि मुलुकभरबाट एक सय ११ वटा सरकारी तथा निजी अस्पतालका साथै मेडिकल कलेजहरुको सूची सार्वजनिक गरेको छ । २५ वटा अस्पताललाई 'हब' अस्पतालको रुपमा तोकिएको छ भने ६४ वटा प्रादेशिक अस्पताल र बाँकी कोभिड क्लिनिक सञ्चालन अस्पतालका रूपमा काम गर्नेछन् ।
निर्देशिकामा आवश्यकताअनुसार अस्पतालहरु विस्तार तथा परिमार्जित गर्दै लाने भनिएको छ ।
निर्देशिका र कोभिड क्लिनिक सञ्चालन गर्ने अस्पतालको सूची
प्रकाशित : वैशाख १, २०७७ १७:४८
