सरकारले ‘कोरोना क्राइसिस म्यानेजमेन्ट सेन्टर’ स्थापना गर्ने

कान्तिपुर संवाददाता

काठमाडौँ — सरकारले कोरोना भाइरस(कोभिड–१९) को संक्रमण रोकथाम तथा नियन्त्रणका लागि ‘कोरोना क्राइसिस म्यानेजमेन्ट सेन्टर’(सीसीएमसी’ स्थापना गर्ने भएको छ । आइतबार साँझ बसेको मन्त्रिपरिषद्को बैठकले ‘सीसीएमसी’ स्थापना गर्ने निर्णय गरेको सरकारका प्रवक्तासमेत रहेका अर्थ एवं सञ्चार तथा सूचना प्रविधि मन्त्री युवराज खतिवडाले जानकारी दिए । 


उपप्रधान तथा रक्षामन्त्री ईश्वर पोखरेल संयोजक रहने गरी स्थापना गरिने सीसीएमसीमा गृहमन्त्री, अर्थमन्त्री, उद्योग वाणिज्य तथा आपूर्ति मन्त्री, संघीय मामिला तथा सामान्य प्रशासन मन्त्री र सुरक्षा निकायका प्रमुख रहने मन्त्री खतिवडाले जानकारी दिए ।


सीसीएमसीले सरकारले जारी गरेको आदेश कार्यान्वयन गराउने, क्वारेन्टाइन र कोरोना संक्रमितको उपचारका लागि तयार पारिएका अस्पतालहरुको व्यवस्थापन गर्ने पनि मन्त्री खतिवडाले जानकारी दिए ।


त्यस्तै मन्त्रिपरिषद्को बैठकले लकडाउनको अवधि लम्ब्याएर चैत २५ गतेसम्म पुर्‍याएको छ ।

प्रकाशित : चैत्र १६, २०७६ २१:४५
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT

विभिन्न कर बुझाउने म्याद थप

कान्तिपुर संवाददाता

काठमाडौँ — मूल्य अभिवृद्धि कर, आयकर तथा अग्रिम कर बुझाउनुपर्ने म्याद आइतबार बसेको मन्त्रिपरिषद् बैठकले बढाएको छ । बैठकले विभिन्न कर भुक्तानी गर्नुपर्ने म्याद वैशाख २५ गतेसम्मलाई बढाएको सरकारका प्रवक्ता तथा अर्थमन्त्री युवराज खतिवडाले जानकारी दिएका छन् ।

उनले स्वास्थ्य सामाग्री आपूर्तिमा समेत मन्त्रिपरिषदले छुटको व्यवस्था गरेको बताएका छन् । यस्तै लकडाउन अवधीको घरबहाल नलिन तथा सो अवधी घरबहाल करमा समेत छुटको व्यवस्था गरेको बताएका छन् ।

सरकारले शहरी क्षेत्रमा रहेका असंगठित श्रमिकहरुले बुझाउनुपर्ने एक महिनाको घरभाडा मिनाहा गर्न आग्रह गरेको छ । आइतवार बसेको मन्त्रिपरिषद् बैठकले असंगठिक श्रमिकले बुझाउने एक महिनाको घरभाडा मिनाहा गर्न सम्बन्धित धरधनिलाई आग्रह गर्ने निर्णय गरेको मन्त्री खतिवडाले जानकारी दिए ।मिनाहा गरिको घरभाडामा घरबाहाल कर नलिने निर्णय गरेको पनि उनले बताए ।

अर्थमन्त्रीले मदिरा लगायतका विभिन्न वस्तुको आपूर्तिमा समेत सरकारले रोक लगाएको जानकारी दिएका छन् ।

प्रकाशित : चैत्र १६, २०७६ २१:४२
पूरा पढ्नुहोस्
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT
×