सञ्‍चारमन्त्री बाँस्कोटाको अडियो नेकपा अध्यक्षद्वयको 'नाेटिस'मा- समाचार - कान्तिपुर समाचार
कान्तिपुर वेबसाईट
AdvertisementAdvertisement

सञ्‍चारमन्त्री बाँस्कोटाको अडियो नेकपा अध्यक्षद्वयको 'नाेटिस'मा

कान्तिपुर संवाददाता

काठमाडौँ — सञ्‍चार, सूचना प्रविधि मन्त्री गोकुल बाँस्कोटाको ‘अडियो सार्वजनिक प्रकरण’मा प्रधानमन्त्री केपी शर्मा ओलीले चासो देखाएका छन् ।

सेक्युरिटी प्रेस खरिदका विषयमा स्थानीय एजेन्ट विजयप्रकाश शर्मा मिश्रसँग मोलमोलाइ गरेको अडियो बुधबार सार्वजनिक भएको थियो । प्रधानमन्त्रीले यस विषयमा मन्त्री बाँस्कोटालाई बालुवाटार बोलाएर बुझेपछि थप निर्णय गर्ने प्रधानमन्त्रीका प्रेस सल्लाहकार सूर्य थापाले जानकारी दिए ।

बिहीबार नै पूर्वनिर्धारित समयअनुसार नेकपाका अध्यक्षसमेत रहेका प्रधानमन्त्री ओली र अर्का अध्यक्ष पुष्पकमल दाहालबीच भेटवार्ता भएको थियो । भेटमा पार्टी र सरकारका काम कारबाहीका विषयमा छलफल भए पनि सञ्चारमन्त्रीको अडियो प्रकरणबारे पनि कुराकानी भएको थापाले जानकारी दिए ।

'सञ्‍चार तथा सूचना प्रविधिमन्त्री गोकुल बाँस्कोटाको अडियो बाहिरिएपछि प्रधानमन्त्री केपी शर्मा ओली र नेकपा अध्यक्ष पुष्पकमल दाहालको जानकारीमा छ । उहाँ कञ्चनपुरबाट २ बजे फर्किने कार्यक्रम रहेको छ,थापाले भने, 'त्यसपछि बालुवाटार आएर आफ्ना कुरा भन्नुहोला । दुवै अध्यक्षको छलफल भएको छ । उहाँहरूको जानकारीमा रहेको छ । अध्यक्षद्वयको भेट यसअघि नै तय भएको थियो ।'

प्रकाशित : फाल्गुन ८, २०७६ १३:३५
प्रतिक्रिया
पठाउनुहोस्

सञ्‍चारमन्त्रीलाई हटाउनुपर्ने माग गर्दै कांग्रेसद्वारा राष्ट्रिय सभामा अवरोध

कान्तिपुर संवाददाता

काठमाडौँ — प्रमुख प्रतिपक्षी कांग्रेसले राष्ट्रिय सभा बैठकमा अवरोध गरेको छ । सेक्युरिटी प्रिन्टिङ प्रेस कमिसनको विषयमा मुछिएका सञ्‍चार तथा सूचना प्रविधिमन्‍त्री गोकुल बाँस्कोटालाई बर्खास्त गर्न माग गर्दै कांग्रेसले सदन अवरुद्ध पारेको हो ।

बैठक प्रारम्भ हुनासाथ कांग्रेस सांसद जीतेन्द्रनारायण देवले सञ्‍चारमन्त्र‌ीलाई अबिलम्ब बर्खास्त गर्न माग गरे । उनले छानबिन समिति बनाउनुपर्ने र यस विषयमा प्रधानमन्त्रीले सदनमा जानकारी नगराएसम्म सदन चल्न नदिने बताए । त्यसपछि कांग्रेस सांसदहरु उभिएर सदन अवरुद्ध पारेका थिए ।

प्रतिपक्षीले अवरोध जारी राखेपछि राष्ट्रिय सभाका अध्यक्ष गणेशप्रसाद तिमिल्सिनाले फागुन १५ गतेसम्मका लागि बैठक स्थगित गरेका छन् ।

प्रकाशित : फाल्गुन ८, २०७६ १३:२१
पूरा पढ्नुहोस्
प्रतिक्रिया
पठाउनुहोस्
×