ओली-दाहाललाई तुम्बाहाङ्फेको जवाफ : राजीनामा गराउने निर्णय फिर्ता लैजानुस् !
![](https://assets-cdn.ekantipur.com/uploads/source/ads/900-100-0252024112350.gif)
![](https://assets-cdn.ekantipur.com/uploads/source/ads/mastercreativegif900x100-0952024115624.gif)
काठमाडौँ — उपसभामुख शिवमाया तुम्बाहाङ्फेले नेकपा सचिवालयले राजीनामा दिन गरेको निर्देशन नमान्ने बताउँदै अध्यक्षद्वय केपी शर्मा ओली र पुष्पकमल दाहाललाई निर्णय फिर्ता लिन भनेकी छन् । आइतबार बिहान बालुवाटारमा उपसभामुख तुम्बाहाङ्फेलाई बोलाएर अध्यक्षद्वयले राजीनामा गर्न निर्देशन दिएका थिए । सो बैठकमा महासचिव विष्णु पौडेलको पनि उपस्थिति थियो ।
![](https://assets-cdn.ekantipur.com/uploads/source/ads/900x100-1172024092759.gif)
![ओली-दाहाललाई तुम्बाहाङ्फेको जवाफ : राजीनामा गराउने निर्णय फिर्ता लैजानुस् !](https://assets-cdn-api.ekantipur.com/thumb.php?src=https://assets-cdn.ekantipur.com/uploads/source/news/kantipur/2020/third-party/shivamayatumbahangphey-1112020011218-1000x0.jpg&w=1001&h=0)
![](https://assets-cdn.ekantipur.com/uploads/source/ads/comp-900x100-1672024010950.gif)
बैठकमा शनिबार सचिवालय बैठकले गरेको निर्णयबारे उपसभामुखले चासो राखेकी थिइन् । उनले निर्णयमा कसको हस्ताक्षर छ भनेर सोधेकी थिइन् । जवाफमा महासचिव पौडेलले उपसभामुखलाई राजीनामा गराउने भनेर सचिवालयले गरेको निर्णयमा आफ्नो हस्ताक्षर रहेको बताएका थिए ।
त्यसपछि तुम्बाहाङ्फेले, 'तपाईंको निर्णय तपाईं नै फिर्ता लैजानुस्,' भनेकी थिइन् ।
उपसभामुखले बैठकमा आफूले राजीनामा नदिने जानकारी गराएको बताइन् । उनले आफूलाई सभामुख बनाउने निश्चित नगरेसम्म उपसभामुखबाट राजीनामा नगर्ने बरु संसद बैठक संचालन गरेर सभामुख निर्वाचनको कार्यतालिका अगाडि बढाउने बताएको दाबी गरेकी छिन् ।
बाहिर निर्देशन वा जे भनेर आएपनि सचिवालयले भने संविधानको व्यवस्था बमोजिम सभामुख नेकपाले पाउने वातावरण बनाउनका लागि राजीनामा गराउने कुरा भएको दाहालले उपसभामुखलाई बताएका थिए ।
तुम्बाहाङ्फेले राजीनामा नदिने अडान लिएपछि अध्यक्षद्वयले प्रतिनिधिसभाको बैठक माघ ६ गतेसम्मका लागि स्थगित गर्न उपसभामुखलाई नै निर्देशन दिएका थिए । बालुवाटार बैठकबाट बाहिरिएसँगै उपसभामुखले सूचना टाँस गरेर संसद बैठक स्थगित गरेकी थिइन् ।
![](https://assets-cdn.ekantipur.com/uploads/source/ads/900-x-100-0172024023126.gif)