सूर्यविनायकले कोभिड अस्पताल बनाउँदै

सूर्यविनायक–८ जगातीस्थित इँटा तथा टायल उद्योग प्रालिले नेपाल सरकारसँग लिजमा लिएको २ सय ६० रोपनी जग्गामध्ये भूकम्पपछि टिम्बर कर्पोरेसनलाई डिपो सञ्चालनका लागि दिइएको भवन र उद्योगले सवारी साधन मर्मत सम्भारका लागि निर्माण गरेको भवनसहित २५ रोपनी क्षेत्रमा अस्पताल बनाउने निर्णय भएको हो ।

नगरपालिकाका सामाजिक विकास समिति संयोजक एवं वडा नम्बर ८ का अध्यक्ष किरण थापाका अनुसार आईसीयू र भेन्टिलेटरसहित ५० शय्याको अस्पताल वीर दल गण सूर्यविनायकको जनश्रमदान र नगरपालिकाको खर्चमा निर्माण गरिनेछ ।

संक्रमितको बढ्दो संख्यालाई मध्यनजर गर्दै नगरपालिकाले १५ दिनमा अस्पताल निर्माण गर्ने तयारी गरेको नगरप्रमुख वासुदेव थापाले बताए ।