रौतहट — राजदेवी नगरपालिकाका निवर्तमान प्रमुख धीरेन्द्र सिंह पुनः प्रमुख पदको उम्मेदवार छन् । बिहीबार नगरको १ नम्बर वडामा घरदैलो कार्यक्रममा सहभागी उनलाई स्थानीयले भने असन्तुष्टि व्यक्त गरे । पांच बर्षे कार्यकालमा केही गर्न नसकेको मतदाताको आरोप थियो । वडा १ स्थित पथराटोल गाउँमा स्थानियले उनलाई गालीगलौज र दुर्व्यवहार गरेका हुन् । यसको भिडियो अहिले सामाजिक सञ्जालमा भाइरल भएको छ । 

सिंह मात्र होइन, पुनः उम्मेदवार बन्ने निवर्तमान जनप्रतिनिधि थुप्रै छन् । रौतहटका १८ स्थानीय तहमध्ये १४ वटाका निवर्तमान नगरप्रमुखहरू फेरि चुनावी प्रतिस्पर्धामा छन् । तर, उनीहरूले सोचेजस्तो जित भने सहज देखिएको छैन । घरदैलोमा जाँदा पाँच वर्षसम्म गरेको काम सोध्दै स्थानीयले असन्तुष्टि व्यक्त गर्दै आएका छन् । ‘मेयर साब, पाँच वर्षसम्म के गर्नुभो’ भनेर स्थानीयले प्रश्न गर्दा उम्मेदवारहरूले सहज रुपमा उत्तर दिन सकेका छैनन् ।

लामो समय राजदेवीमा नगरपरिषद हुन सकेको थिए । कर्मचारीले तलब नपाएको भनेर आन्दोलनसमेत गरेका थिए । सिंहले अनियमितता गरेको भन्दै एक बर्ष अघि निवर्तमान उपप्रम्खु अन्शु सिंहले कार्यालयमै तालबन्दि पनि गरिन् । मतदाताले चुनावका बेला यही विषयमा सिंहलाई प्रश्न गर्दै आएका छन् । सिंहले केही गाउमा जादा बिपक्षिले नियतवश दुर्व्यवहार गरेको बताए । ‘बिपक्षिले गाली गलौज, दुर्ब्यबहार गरे । मेरो उचाई घटेको छैन् । बिकाश खल्तीमा राख्ने चिज होईन् । ५ बर्षमा मैले केके गरे भन्ने जनता सामु छर्लग छ,’ उनले भने, ‘मैले गल्ती गरेको भए मत नदिएर सजाए दिदा हुन्छ ।’ उनले शिक्षा स्वास्थ्य, सडक क्षेत्रमा काम गरेको दाबि गरे । सिंह कांग्रेसका उम्मेदवार हुन् । अन्शु एमाले, भिखारी साह समाजबादीबाट उम्मेदवार छन् । उनीहरू बिच कडा प्रतिस्पर्धा छ । 

वृन्दावन नगरपालिकाका निवर्तमान नगरप्रमुख रामस्नेही राय फेरी चुनावी मैदानमा छन् । उनलाई पनि यस पटक निकै सकस हुने देखिएको छ । काग्रेस प्रदेश समितिले सुरुमा यूवा नेता प्रेमशंकर यादबलाई टिकट दिएको थियो । तर भोलीपल्ट उनको टिकट खोसियो र रामस्नेहीलाई दिइयो । प्रेमशंकर काग्रेसको ठुलो जत्था बोकेर एमाले प्रवेश गरे र उम्मेदबार भए । रामस्नेहीलाई पनि जनताले उनका पाँचवर्षे कार्यकालबारे प्रश्न गर्दै आएका छन् । बृन्दावनमा कांग्रेस, एकिकृत समाजबादी, एमाले र माओबादी बिच कडा टक्कर छ । 

कटहरिया नगरपालीकाका निवर्तमान प्रमुख शियाराम कुशवाहा पनि फेरि उम्मेदवार बनेका छन् । तत्कालीन माओबादीबाट जितेका उनी कार्यकालको एक बर्ष जेल बसे । बिरगजमा भएको काशी तिवारी हत्या काण्डमा उनी जेल परेका हुन् । जेल मुक्त भए पछि उपप्रमुख नुरजहा खातुन सित टसल पर्‍र्यो । पुरा कार्यकालमा केही काम गर्न सकेनन् । अहिले कुशवाहा एमालेबाट उम्मेदबार छन् ।