दाङ — राष्ट्रिय सभा सदस्य निर्वाचनमा लुम्बिनी प्रदेशमा ३०३ मत खसेको छ । कुल ३०५ मतदातामध्ये दुई जना उपाध्यक्ष भने उपस्थित भएनन् । प्रदेसभा सदस्यतर्फ ८७ मतदाता रहेकोमा ५४ पुरूष र ३३ महिला गरी ८७ जनाले मतदान गरेको निर्वाचन अधिकृतको कार्यालयले जनाएको छ । 

स्थानीय तहतर्फ २ सय १८ मतदातामध्ये १२७ पुरूष र ८९ महिला गरी २१६ मत खसेको निर्वाचन अधिकृत कुलप्रसाद पाण्डेले जानकारी दिए । 

बाँकेको नरैनापुर गाउँपालिका उपाध्यक्ष जयन्तीदेवी श्रीवास्तव र रुपन्देहीको मायादेवी गाउँपालिका उपाध्यक्ष नर्वदा उपाध्याय भने मतदानमा अनुपस्थित रहे । अहिले मतगणनाको तयारी भइरहेको निर्वाचन अधिकृत पाण्डेलले बताए ।

घोराही स्थिति कर्मचारी मिलन केन्द्रमा प्रदेशसभा सदस्य र स्थानीय तहका प्रमुख उपप्रमुखहरुका लागि दुई छुट्टा-छुट्टै मतदान केन्द्रको व्यवस्था गरिएको थियो।