चुनावी गठबन्धनका साझा उम्मेदवार घाइते भएपछि अवस्था तनावपूर्ण भएको एमाले नेता प्रेम घर्तीले बताए । दिउँसो आयोजित चुनावी कार्यक्रमको विषयमा विवाद सिर्जना भएको र मिलाउन खोज्दा नेता समेतले चासो नदेखाएपछि आफ्नै उम्मेदवारमाथि कुटपिट भएको उनले बताए । 

एकीकृत समाजवादीका नेता हरिप्रसाद घर्तीमगरले झडपमा आफूतर्फका ५/७ जना घाइते भएको दावी गरे । ‘म पनि घाइते भएको छु,’ उनले भने । एकीकृत समाजवादीका जिल्ला अध्यक्ष एवं केन्द्रीय सदस्य समेत रहेका उनी तालाबाङ निवासी हुन् । माडीमा चुनावी गठबन्धन गरेका माओवादी केन्द्र र एकीकृत समाजवादी एकातिर छन् भने कांग्रेस र एमाले अर्कातिर छन् । 

प्रमुख जिल्ला अधिकारी नवराज सापकोटाले निर्वाचन आचारसंहिता उल्लंघन भएको अवस्था आएकाले झडप उत्पन्न भएको हुन सक्ने बताए । उनले दुवै पक्षका नेताको संयुक्त बैठक बोलाइएको बताए । उनका अनुसार माडीमा मध्यान्हमा र जिल्लास्थित दलहरुको सर्वदलीय बैठक दिउसो ४ बजेट लिबाङमा बोलाइएको छ । बैठकमा उक्त विषयबारे व्यापक छलफल गरेर दुवै पक्षलाई सचेत बनाइने उनले बताए । स्थानीय प्रशासनका अनुसार जिल्लाभर कुनै घटना हुन नदिन सचेतता अपनाइएपनि माडीमा झडप भएको हो । उक्त स्थान सदरमुकाम लिबाङदेखि करिब ५० किलोमिटर पश्चिममा पर्छ । 

स्थानीय तह निर्वाचन २०७९