तिलोत्तमा — रुपन्देही प्रशासनले तिहारमा दिउँसो मात्रै देउसी भैलो खेल्न अनुमति दिने तयारी गरेको छ । जिल्ला प्रशासन कार्यालय रुपन्देहीले कोरोना महामारी फैलिन सक्ने जोखिम अझै पनि कायमै रहेकाले दिउँसोमा मात्रै स्वास्थ्य मापदण्ड पालना गरेर देउसी भैलो खेल्न अनुमति दिनेगरी तयारी गरेको हो ।

रुपन्देहीका सहायक प्रमुख जिल्ला अधिकारी कमलप्रसाद पाण्डेले केही दिनमै औपचारिक रुपमा आदेश जारी गर्ने बताए ।

‘अहिले पनि कोरोनाको जोखिम त कायम नै रहेकाले पराम्परागत रुपमा मनाइने चाडपर्व धेरै भीडभाड नगरी सामान्य रुपमा मनाउन दिने सूचना जिल्ला प्रशासनले यसअघि नै जारी गरी जानकारी गराएको उनले बताए । देउसी भैलो खेल्दा अनिवार्य रुपमा मास्कको प्रयोग गर्नु पर्नेछ,’ उनले भने, ‘ भौतिक दूरी समेत कायम गर्नुपर्नेछ ।’