परासी — पश्चिम नवलपरासीमा मंगलबार एकैपटक १२ जनामा कोरोना संक्रमण देखिएको छ । संक्रमित सबै सुस्ता गााउँपालिकाका हुन् ।
सुस्ता गाउँपालिका वडा नम्बर १ का ६ जना, वडा नम्बर ३ का दुई जना, ४ मा एकजना र पाँचमा तीन जना रहेको जिल्ला स्वास्थ्य कार्यालय पश्चिम नवलपरासीका प्रमुख गौरव ढकालले बताए । संक्रमितहरुको उमेर १६ देखि ५० वर्षको छ ।
जेठ २० गते स्वाब संकलन गरि परीक्षणका लागि काठमाडौंस्थित राष्ट्रिय जनस्वास्थ्य प्रयोगशालामा पठाइएकोमा मंगलबार बल्ल रिपोर्ट आएको हो । उनीहरु सबै भारतबाट आएर क्वारेन्टाइनमा बसेका थिए ।
उनीहरुलाई सुस्तामै रहेको वेलवानी स्वस्थ्य चौकीको आइसोलेसनमा राखिने जिल्ला स्वास्थ्य कार्यालय पश्चिम नवलरासीले जनाएको छ । योसँगै जिल्लामा कोरोना संक्रमितको संख्या ३३ पुगेको छ ।
