कपिलवस्तुको महाराजगन्ज नगरपालिकाको मेयर र उपमेयरमा कांग्रेस विजयी- स्थानीय तह निर्वाचन २०७९ - कान्तिपुर समाचार
कान्तिपुर वेबसाईट
AdvertisementAdvertisement

कपिलवस्तुको महाराजगन्ज नगरपालिकाको मेयर र उपमेयरमा कांग्रेस विजयी

कान्तिपुर संवाददाता

काठमाडौँ — कपिलवस्तुको महाराजगञ्ज नगरपालिकाको मेयरमा नेपाली कांग्रेस उम्मेदवार अब्दुल कलाम मुसलमान १०,२०० मत ल्याई विजयी भएका छन् ।

उनले निकटतम प्रतिद्वन्द्वी नेपाल कम्युनिस्ट पार्टी (एमाले) उम्मेदवार राम दास चौधरीलाई १,५३२ मतान्तरले पराजित गरेका हुन् । पराजित राम दास चौधरीले ८,६६८ मत ल्याएका छन् ।

यस्तै उपमेयरमा नेपाली कांग्रेसकी उम्मेदवार रिताकुमारी कुर्मी ११,१६७ मत सहित विजयी भएकी छन् । उनका निकटतम प्रतिद्वन्द्वी नेपाल कम्युनिष्ट पार्टी (एमाले)का उम्मेदवार भानमति यादवले ७,२०० मत ल्याएका छन् ।

योसँगै कपिलवस्तुका १० वटै स्थानीय तहको नतिजा आइसकेको छ । कपिलवस्तुमा नेपाली कांग्रेस ४ वटा स्थानीय तहमा विजयी भएको छ भने एमाले ३ तहमा विजयी भएको छ । जसपा र लोसपा र राप्रपाले एक/एक स्थानीय तहमा जित हात पारेका छन् ।

प्रकाशित : जेष्ठ ११, २०७९ १५:५८
प्रतिक्रिया
पठाउनुहोस्

सेयर बजारका सबै सूचक बढे 

कान्तिपुर संवाददाता

काठमाडौँ — बुधबार सेयर बजारका सबै सूचक बढेका छन् । कारोबार रकममा सुधार नभए पनि परिसूचक नेप्से १४.३७ अंक बढेको छ । सो अंकको वृद्धिपछि नेप्से २२३१ अंकमा कायम भएको छ । दिनभर १ अर्ब ४ करोड रुपैयाँको सेयर कारोबार भएको छ । सबै उपसमूहका सूचक बढे ।

बैंकिङ ८, विकास बैंक २५, फाइनान्स ९, जलविद्युत् ३०, जीवन बीमा ६६, उत्पादन ३०, लघुवित्त २९, निर्जीवन बीमा १३४, अन्य ८ र ब्यापार उपसमूह २९ अंकले बढे । होटल तथा पर्यटन र लगानी उपसमूहको वृद्धि भने १ अंकमुनि सीमित रह्यो । कुल १४८ कम्पनीको मूल्य बढ्दा ३९ को घट्यो, ५ को स्थिर रह्यो ।

बलेफी हाइड्रोपावर, मैलुङखोला हाइड्रोपावर, सिंगटी हाइड्रोपावर र गुराँस लघुवित्तको मूल्य ५ प्रतिशतभन्दा धेरैले बढ्यो । कर्पोरेट डेभलपमेन्ट बैंकको मूल्य सबैभन्दा धेरै ७.१३ प्रतिशत घट्यो । कारोबार रकमका आधारमा माथिल्लो तामाकोसी, अरुण काबेली, नबिल बैंक, अरुणभ्याली र अपी पावर मूल्य क्रमश: अगाडि रहे ।


प्रकाशित : जेष्ठ ११, २०७९ १५:५१
पूरा पढ्नुहोस्
प्रतिक्रिया
पठाउनुहोस्
×