राजविराजको मेयर र उपमेयर दुबैमा जसपाका उम्मेदवार विजयी - स्थानीय तह निर्वाचन २०७९ - कान्तिपुर समाचार
कान्तिपुर वेबसाईट
AdvertisementAdvertisement

राजविराजको मेयर र उपमेयर दुबैमा जसपाका उम्मेदवार विजयी 

अघिल्लो चुनावमा जसले हराए, अहिले उनैलाई हराए भिमराजले
अवधेशकुमार झा

राजविराज — अघिल्लो निर्वाचनमा १७ मतले पराजित भएका भिमराज यादव यसपटक सप्तरीको राजविराज नगरपालिकाको मेयरमा निर्वाचित भएका छन् । जसपाका यादवले निवर्तमान मेयर शम्भुप्रसाद यादवलाई ४ हजार ८ सय १७ मतान्तरले पराजित गर्दे आगामी ५ वर्ष राजविराजको नेतृत्व गर्ने अवसर पाएका हुन् । 


मेयरमा निर्वाचित भिमराजले ९ हजार ६ सय २४ मत प्राप्त गरेका छन् । उनका निकटतम प्रतिद्धन्द्वी नेकपा माओवादी केन्द्रका शम्भुप्रसाद यादवले ४ हजार ८ सय १७ मत पाए । मनोनयनको अघिल्लो दिनसम्म भिमराज र शम्भु जसपामै थिए । जसपा नेतृत्वले भिमराजलाई टिकट दिने निर्णय गरेपछि निवर्तमान मेयर शम्भु पार्टी परित्याग गर्दे माओवादीबाट मेयरमा उम्मेदवार भएका थिए ।

राजविराजको उपमेयरमा पनि जसपाकी इसरत परविण निर्वाचित भएकी छिन् । उपमेयरमा निर्वाचित इसरत परविणले ७ हजार २ सय ६४ मत प्राप्त गरेकी छिन् । निकटतम प्रतिद्वन्द्वी काग्रेसकी सुशिलादेवी यादवले ४ हजार ४ सय २७ मत प्राप्त गरिन् ।

प्रकाशित : जेष्ठ ६, २०७९ ११:१०
प्रतिक्रिया
पठाउनुहोस्

महोत्तरीको सम्सी गाउँपालिकामा जसपाका यादव विजयी 

कान्तिपुर संवाददाता

महोत्तरी — महोत्तरीको सम्सी गाउँपालिका अध्यक्षमा जनता समाजवादी पार्टी (जसपा)का रामनाथ यादव विजयी भएका छन् । उनले निकटतम् प्रतिस्पर्धीलाई १ हजार ३११ मतान्तरले पराजित गरे । रामनाथले ३ हजार ८९३ मत ल्याए भने निकटतम् प्रतिस्पर्धी नेपाली कांग्रेसका उत्तिमप्रसाद यादवले २ हजार ५८२ मत ल्याए । 

त्यस्तै गाउँपालिका उपाध्यक्षमा जसपाकै अनिताकुमारी निर्वाचित भएकी छन् । उनले ३ हजार २९५ मत ल्याउँदा प्रतिस्पर्धी नेपाली कांग्रेसकी उर्मिलादेवी साहले २ हजार ६८२ मत ल्याइन् ।


प्रकाशित : जेष्ठ ६, २०७९ १०:५९
पूरा पढ्नुहोस्
प्रतिक्रिया
पठाउनुहोस्
×