कञ्चनपुर — स्थानीय तहको निर्वाचनमा कञ्चनपुर जिल्लामा साढे १ बजेसम्म आधा मतदाताले मतदान गरेका छन् । वर्षा र गर्मीका बाबजुद मतदान गर्नेको संख्या ५० प्रतिशत पुगेको बताइएको छ ।
कञ्चनपुर जिल्लाका प्रमुख निर्वाचन अधिकृत मदनबहादुर धामीका अनुसार ५० प्रतिशतले मतदान गरिसकेका छन् । 'दिउसो वर्षा र गर्मीले मतदान सुस्त भइरहेको छ । साढे १ बजेसम्म ५० प्रतिशतले मतदान गरिसक्नुभएको छ,' उनले भने ।
पुनर्वास नगरपालिका १० बाहेक सबै मतदान स्थलमा मतदान भइरहेको धामीले जानकारी दिए । फर्जी मत परेको आशंकामा पुनर्वास १० मा मतदान स्थगित भएको छ ।
