पोखरा — गण्डकी प्रदेशमा सोमबार थप २० जनामा कोरोना संक्रमण पुष्टि भएको छ । प्रदेश स्वास्थ्य निर्देशनालयले स्याङजाका १२ र पूर्वी नवलपरासीका ८ जनामा कोरोना पुष्टि भएको विज्ञप्तिमार्फत जनाएको छ । योसँगै प्रदेशभरि कोरोना संक्रमितको संख्या ५ सय ४० पुगेको छ ।
नयाँ संक्रमित सबैजना भारतबाट फर्किएर सम्बन्धित पालिकाको क्वारेन्टाइनमा बस्दै आएका थिए । उनीहरुलाई आइसोलेसन कक्षमा उपचारका लागि लैजाने तयारी गरिएको छ । प्रदेशका सबै ११ जिल्लामा कोरोना संक्रमण फैलिएको हो ।
लमजुङका एक तीन वर्षीय बालक भने काठमाण्डौ बस्दै आएका बेला कोरोना संक्रमित भएका र उनी अहिले निको भइसकेका छन । प्रदेशभरि निको हुनेको संख्या ५५ पुगेका छन । स्याङ्जाका एक जनाको मृत्यु भएको छ ।
