चलचित्र विकास बोर्डका अध्यक्ष तथा नायक भुवन केसीले फिल्म पूर्ण रूपमा मनोरञ्जनात्मक बनेको र सन्देश पनि दिने खालको रहेको बताए । नेपालमा यो स्तरको फिल्म बन्नु आफैंमा सुखद भएको उनको भनाइ छ । नायिका केकी अधिकारी र रिमा विश्वकर्माले पनि फिल्मको तारिफ गरे । नेपालमा यस्तो कथामा फिल्म बनाउनु आफैंमा चुनौतीपूर्ण रहेको भन्दै उनीहरूले निर्देशकको काम, कलाकारको काम र प्राविधिकहरूले मिहिनेत गरेको देखिएको बताए । 

रेनाशा वान्तवा राईको निर्देशनमा धीरज मगर, जसिता गुरुङ, अरुण क्षेत्री, प्रेम सुब्बालगायत कलाकारको अभिनय रहेको फिल्मले एक युवाको डान्सर बन्ने सपनाको कथा भन्छ । फिल्म वैशाख २१ गते बिहीबारदेखि सार्वजनिक रूपमा प्रदर्शन हुँदै छ । प्रिमियरबाट पाएको प्रतिक्रियाले आफू निकै उत्साहित भएको निर्देशक रेनाशाले बताइन् । प्रिमियरमा फिल्म हेर्ने अधिकांशको प्रतिक्रियाले खुसी लागेको नायिका जसिता गुरुङको भनाइ छ । नायक धीरज मगरले फिल्मका लागि ३ वर्ष मिहिनेत गरेको र त्यसको सुखद प्रतिक्रिया मिलेको बताए ।

युवा ग्यालरी